Readrêchiisfûgel

Readrêchiisfûgel
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai todysnaffeliisfûgels (Todiramphus)
soarte
Todiramphus pyrrhopygius
Gould, 1841
IUCN-status: net bedrige

De readrêchiisfûgel (Todiramphus pyrrhopygius) is in fûgelsoarte yn it skaai todysnaffeliisfûgels (Todiramphus) út de famylje iisfûgels (Alcedinidae). De soarte is endemysk yn Austraalje. It is in monotypyske fûgel, itjinge betsjut dat der gjin ûndersoarten fan binne.

Beskriuwing

Tekening fan John Gerrard Keulemans.

De readrêchiisfûgel is in middelgrutte iisfûgel dy't 20 oant 24 sm lang is. De soarte hat in ûneffen griisgriene krún mei fine wite streekjes, in dúdlike swarte eachstreek en in wite kraach. De boppewjukken binne yn 'e flecht folslein blaugrien. De namme fan 'e fûgel ferwiist nei de rustreade rêch.

Fersprieding

De soarte libbet yn it grutste part fan Austraalje, ek yn drûgere gebieten en is faak yn hege deade beammen of op elektryske leidingen te sjen. De fûgel ûntbrekt op Tasmaanje.

Hâlden en dragen

Readrêchfûgels bouwe de nêsten yn in ierden wâl, igge of daam. In lechsel bestiet út twa oant seis wite, rûne aaikes. De aaien wurde yn 20 oant 23 dagen troch it mantsje en wyfke útbret.

Se ite ynsekten, imerkes, krobben, michammels en rûpen, lytse skaaldieren, tûzenpoaten en skorpioenen. Ek snipt er wol wringedieren, lykas fisk, hagedissen, slangen en út en troch sûchdieren lykas sa grut as mûskes.

Status

De fûgel wurdt troch de IUCN op 'e Reade list as net bedrige klassifisearre (2024). Oannommen wurdt dat de soarte yn oantal tanimt, om't mei de oanlis fan diken troch de Malleebosken fan it lân mear geskikte nêstplakken ûntsteane.

Boarnen, noaten en/as referinsjes:

Birdlife International Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Readrêchiisfûgel fan Wikimedia Commons.