Ravenstein (stêd)

	Ravenstein; Ravvestèìjn
	Emblemen
	Bestjoer
Lân	Nederlân
provinsje	Noard-Brabân
gemeente	Oss
	Sifers
Ynwennertal	3.155 (2024)
Oerflak	2,02 km² ; - lân 1,89 km² ; - wetter 0,12 km²
	Oar
Koördinaten	51° 47' N 5° 39' E
	Kaart
	;

Ravenstein is in histoarysk stedsje oan 'e Maas yn 'e provinsje Noard-Brabân.

Skiednis

It stedsje hat in rike skiednis dy't werom giet oant de midsiuwen. Ravenstein krige yn 1380 stedsrjochten fan Walraven van Valkenburg, hear fan Herpen en Ravenstein. De strategyske lokaasje oan 'e Maas makke fan it plak in belangrike hannels- en fêstingstêd.

Ravenstein wie it sintrum fan it lytse, selsstannich gebiet mei de namme Lân fan Ravenstein. Yn 'e rin fan 'e tiid wie it Lân fan Ravenstein yn besit fan ferskillende foarstedommen.

Oars as de rest fan Noard-Brabân, dat foar in grut part ûnder Steatsk bestjoer foel fan 'e Republyk fan de Sân Feriene Nederlannen, wie it Lân fan Ravenstein in katolyk gebiet ûnder bygelyks de hartoggen fan Palts-Neuburg. Dat makke it foar kleasters mooglik om dêr stiftingen te bouwen, wylst dy earne oars ferbean wiene.

Troch de godstsjinstfrijheid hie Ravenstein in bloeiend roomsk libben yn 'e 17e en 18e iuw. Ut 1735 datearret de Sint-Lesijtsjerke, de iennige katolike barokke tsjerke fan Nederlân sûnt de reformaasje.

Ravenstein wie in fêstingstêd mei poarten, grêften en bolwurken en de stêd spile in rol by militêre konflikten lykas de Tachtichjierrige Kriich. Yn 'e 19e iuw rekken de ferdigeningswurken yn ferfal en dy binne doe foar in grut part ôfbrutsen.