Poros

Poros Πόρος
geografy
lokaasje	Saroanyske Golf
ûnderdiel fan	Saroanyske eilannen
lân	Grikelân
koördinaten	37°31' N 23°29' E
algemien
ynwennertal	3.262 (2021)
sifers
oerflak	66.62 km²
heechste punt	370 m
webside
poros.gr
kaart

Poros (Gryksk: Πόρος) is in Gryksk eilân en in gemeente (dimos) yn 'e Saroanyske Golf. It eilân is ien fan 'e Saroanyske eilannen en heart sûnt 2011 bestjoerlik ta de Grykske bestjoerlike regio Attika.

It eilân hat in regelmjittige fearferbining mei Piraeus en wurdt yn 'e wykeinen en op feestdagen in soad besocht troch ynwenners út Atene.

Poros wurdt fan in tige smelle seeststrjitte fan 250 oant 400 m breed fan it fêstelân skieden. Lytse boatsjes farre geregeldwei nei de oare kant nei Galatas op 'e Peloponnesos.

Eins bestiet Poros út twa eilannen, dy't mei inoar ferbûn binne troch in smelle lântonge: it mei pinebosk begroeide Kalavría (Καλαυρεία) en it lytse, oarspronklik fulkanyske Spheria (Σφαίρια), dat no hast folslein beboud is mei de kleurige huzen fan 'e stêd Poros.

In pear km eastlikf fan Poros-stêd stiet it wite kleaster Zoödochos Pigi (itjinge "Libbensboarne" betsjut), dêr't in pear fersetshelden fan 'e Grykske Unôfhinklikheidskriich begroeven binne.

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Poros fan Wikimedia Commons.