Poarperrêchstikelsnaffel
| Poarperrêchstikelsnaffel | ||||||||||||
|---|---|---|---|---|---|---|---|---|---|---|---|---|
.jpg) mantsje | ||||||||||||
| taksonomy | ||||||||||||
| ||||||||||||
| soarte | ||||||||||||
| Ramphomicron microrhynchum | ||||||||||||
| Boissonneau, 1840 | ||||||||||||
IUCN-status: 
| ||||||||||||
| ferspriedingsgebiet | ||||||||||||
 |
De poarperrêchstikelsnaffel (Ramphomicron microrhynchum) is in fûgel út 'e famylje kolibrys (Trochilidae). De kolibry stiet bekend om syn ekstreem koarte snaffel en de opfallende pearse kleur op de rêch fan it mantsje.
Ferskining
[bewurkje seksje | boarne bewurkje]De poarperstikelsnaffel is in lytse kolibry mei in lingte fan likernôch 8 oant 9 sintimeter. De snaffel is swart en rjocht en ien fan 'e koartste ûnder alle kolibrysoarten. It mantsje hat in boppekant dy't glânzjend poarper of fiolet is. De kiel is irisearjend goudgrien en de sturt is donkerpears oant swart. It wyfke sjocht der hiel oars út: hja hat in glânzgjende boppekant en de ûnderkant is wyt mei griene spikkels.
Fersprieding en systematyk
[bewurkje seksje | boarne bewurkje]De soarte komt foar yn it Andes-berchtme fan Súd-Amearika. It ferspriedingsgebiet rint fan Fenezuëla oer Kolombia en Ekwador oant yn it noarden fan Perû. Se libje op grutte hichten, meastentiids tusken de 2.500 en 3.600 meter, yn elfebosken en op 'e râne fan it páramo-graslân.
Der wurde fjouwer ûndersoarten erkend:
- R. m. andicola: yn 'e Andes fan Fenezuëla.
- R. m. microrhynchum: yn 'e Andes fan Kolombia, Ekwador en noardwestlik Perû.
- R. m. albiventre: yn 'e Andes fan sintraal Perû.
- R. m. bolivianum: yn 'e Andes fan sintraal Bolivia (soms as aparte soarte sjoen).
Ekology
[bewurkje seksje | boarne bewurkje]De poarperrêchstikelsnaffel drinkt nektar fan lytse blomkes, faak fan planten út de skaaien Ericaceae en Melastomataceae. Fanwegen de koarte snaffel prikt de fûgel ek gatten yn 'e basis fan gruttere blommen om better by de nektar te kommen. Dêrnjonken fange se lytse ynsekten yn 'e loft. De fûgel fljocht faak op in karakteristike manier, rap en mei in soad bochten tusken de strûken troch.
Status en bedrigingen
[bewurkje seksje | boarne bewurkje]Op 'e Reade list fan 'e IUCN wurdt de poarperstikelsnaffel klassifisearre as net bedrige (Least Concern). Hoewol't de populaasje net krekt bekend is en der tocht wurdt dat de oantallen troch habitatferlies tebek rinne, is it ferspriedingsgebiet noch grut genôch om net as bedrige beskôge te wurden.
Namme
[bewurkje seksje | boarne bewurkje]De skaainamme Ramphomicron komt út it Gryksk en betsjut letterlik "lytse snaffel" (rhamphos = snaffel, mikros = lyts). De soartenamme microrhynchum hat deselde betsjutting, wat de lytse snaffel fan 'e fûgel dûbel ûnderstreket.
| Boarnen, noaten en/as referinsjes: | ||
|
