Wytbraumoskwever

Wytbraumoskwever
Mantsje Wyfke
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje weverfûgels (Ploceidae) skaai moskwevers (Plocepasser)
soarte
Plocepasser mahali
Smith, 1836
IUCN-status: net bedrige

De wytbraumoskwever (Plocepasser mahali) is in fûgel yn it skaai moskwevers (Plocepasser) út de famylje weverfûgels (Ploceidae).

Beskriuwing

Wytbraumoskwever.

De soarte wurdt likernôch 18 sm lang en hat in foar it skaai karakteristike wite wynbrau. Yn 'e flecht binne de wite stút en wite boppesturtdekfearren goed te sjen. Ek de wite fearren yn 'e wjukken falle yn 'e flecht op.

De ferskillen tusken mantjes en wyfkes foarmje fral it grutter kontrast yn kleuren by mantsjes. Oer it generaal binne wyfkes ljochter en mear effen fan kleur. Wylst it mantsje in swarte snaffel hat, is de snaffel fan it wyfke hoarnkleurich oant ljochtgriis; dy fan in jonge fûgel is rôzebrún.

Fersprieding

Der wurde fjouwer ûndersoarten ûnderskieden:

• Plocepasser mahali melanorhynchus: súdeastlik Sûdan, noardlik Uganda, it súdlik part fan Sintraal-Etioopje, Kenia.
• Plocepasser mahali pectoralis: Tanzania, súdlik Malawy, súdlik en eastlik Sambia, westlik Mozambyk, noardlik Simbabwe, noardlik Botswana.
• Plocepasser mahali ansorgei: súdwestlik Angoala, noardwestlik Namybje.
• Plocepasser mahali mahali: súdlik Namybje, súdlik Botswana, súdwestlik Simbabwe, noardlik en sintraal Súd-Afrika.

Hâlden en dragen

Nêsten.

De soarte briedt yn lytse koloanjes. De nêsten binne bolfoarmich en makke fan gers en tûkjes.

Status

De grutte fan 'e wrâldpopulaasje is net kwantifisearre, mar de soarte wurdt omskreaun as gewoan oant talryk. Der wurdt oannommen dat de populaasje stabyl en der is gjin bewiis fan grutte bedrigingen en tebekrinnen fan 'e populaasje. De IUCN klassifisearret de fûgel dêrfandinne as net bedrige (Least Concern, 2024) op 'e Reade list.

Boarnen, noaten en/as referinsjes:

BirdLife, oproppen 9 septimber 2025. Ebird, oproppen 9 septimber 2025. Avibase, oproppen 9 septimber 2025. Commons Wikimedia Commons  Ofbylden dy't by dit ûnderwerp hearre, binne te finen yn de kategory wytbraumoskwever fan Wikimedia Commons.