Pieter Jan Leeuwerink

Ut Wikipedy
Jump to navigation Jump to search
Pieter Jan Leeuwerink
Olympic Rings black.svg sporter
persoanlike bysûnderheden
bertedatum 18 febrewaris 1962
berteplak Wormer
stjerdatum 27 septimber 2004
stjerplak Capelle aan den IJssel
lingte 2,00 m
sportive ynformaasje
sport Follybal
O.S. 1988

Pieter Jan Leeuwerink (Wormer, 10 febrewaris 1962Capelle aan den IJssel, 27 septimber 2004) wie in Nederlânsk follyballer. Hy wie drager fan de sulveren bûnsspjelde fan de NeVoBo.

Tusken 1985 en 1989 kaam Leeuwerink 187 kear út foar de nasjonale ploech. Hy naam diel oan syn earse en iennige Olympyske Spullen: de Olympyske Spullen yn 1988 yn Seoel. De Nederlânske ploech einige yn dat toernoai op it fyfte plak. Yn de nasjonale kompetysje spile er foar VC Wormer, Compaen en Brother/Martinus.

Hy makke de begjinfaze mei fan it priizge Bankrasmodel, dat útmûne yn in gouden medalje by de Olympyske Spullen fan Atlanta yn 1996. Leeuwerink wie mei Ron Zwerver ien fan de earste Nederlanners dy't de sprongopslach brûkten. Dy wize fan opslach die syn yntree yn 'e jierren '80 en waard ynearstenoan troch in inkeling op ynternasjonaal (manljus)topnivo útfierd.

Nei syn spilerskarriêre wie Leeuwerink acht seizoenen lang wurksum as trainer by Alcom/Capelle, dat er letter ferruile foar Rijnmond Volleybal. Ek wie er trainer fan Jong Oranje.

Hy stoar yn 2004 yn 'e âldens fan 41 nei in swiere sykte.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: