Pico de Orizaba
| Pico de Orizaba (Citlaltépetl) | ||
 | ||
| De sniebedekte top fan 'e Pico de Orizaba | ||
| Geografy | ||
| diel fan | Noard-Amearika | |
| berchtme | Transmeksikaanske Fulkanyske Gurdle | |
| regio | Puebla / Veracruz | |
| lân |  Meksiko | |
| Sifers | ||
| hichte | 5.636 m | |
| kraterdiameter | 400 × 500 m | |
| lêste útbarsting | 1687, mooglik ek yn 1846 | |
| tal útbarstingen | ûnbekend | |
| groeit noch | nee | |
| Geology | ||
| type fulkaan | stratofulkaan | |
| status | sliepend | |
| VEI | 2 | |
| Kaart | ||
  Posysje yn Meksiko
| ||
De Pico de Orizaba, ek wol bekend ûnder de lânseigen Nahuatl-namme Citlaltépetl ("Stjerreberch"), is in massive stratofulkaan op 'e grins fan de Meksikaanske steaten Puebla en Veracruz. Mei in hichte fan 5.636 meter boppe seenivo is it de heechste berch fan Meksiko en de heechste fulkaan fan hiel Noard-Amearika. Yn 'e ranglist fan heechste piken yn Noard-Amearika stiet er op it tredde plak, nei de Denali yn Alaska en Mount Logan yn Kanada.
Geology en lokaasje
[bewurkje seksje | boarne bewurkje]
De fulkaan makket diel út fan 'e Transmeksikaanske Fulkanyske Gurdle en leit oan 'e eastkant fan it heechlân fan Meksiko. De Pico de Orizaba is in klassike stratofulkaan mei in symmetryske kegelfoarm dy't it jier troch mei snie en iis bedutsen is. De top herberget de Jamapa-gletsjer, ien fan 'e lêste oerbliuwende gletsjers yn Meksiko. De krater fan 'e fulkaan is elliptysk fan foarm mei in trochsneed fan sa'n 400 by 500 meter.
Skiednis en útbarstingen
[bewurkje seksje | boarne bewurkje]Histoarysk sjoen is de Pico de Orizaba in aktive, mar op it stuit sliepende fulkaan. Yn 'e 16e en 17e iuw binne der ferskate dokumintearre útbarstingen west dy't ta jiskerein en lavastreamen laten. De lêste grutte útbarsting fûn nei alle gedachten plak yn 1687. Guon boarnen melde lykwols ek lettere, minder wis dokumintearre aktiviteit yn 'e 19e iuw, om 1846 hinne.
Hoewol't de fulkaan no rêstich is, wurdt er troch geologen nau yn de gaten holden fanwegen it gefaar fan mooglike modderstreamen foar de tichtbefolke dellingen deromhinne.
Alpinisme
[bewurkje seksje | boarne bewurkje]De berch is populêre foar berchbeklimmers fan oer de hiele wrâld. De klim wurdt beskôge as technysk net dreech, mar de grutte hichte en de ekstreme waarsomstannichheden foarmje in flinke útdaging.
| Boarnen, noaten en/as referinsjes: | ||
|
