Reuzefleanhoarntsjes
| reuzefleanhoarntsjes | ||
 | ||
| In Bûtanreuzefleanhoarntsje (Petaurista nobilis). | ||
| Taksonomy | ||
| ryk: | dieren (Animalia) | |
| stamme: | rêchstringdieren (Chordata) | |
| ûnderstamme: | wringedieren (Vertebrata) | |
| klasse: | sûchdieren (Mammalia) | |
| skift: | kjifdieren (Rodentia) | |
| ûnderskift: | iikhoarntsjes en sliepmûzen (Sciuromorpha) | |
| famylje: | iikhoarntsjes (Sciuridae) | |
| ûnderfamylje: | echte iikhoarntsjes (Sciurinae) | |
| tûke: | fleanende iikhoarntsjes (Pteromyini) | |
| ûndertûke: | echte fleanende iikhoarntsjes (Pteromyina) | |
| skaai: | reuzefleanhoarntsjes (Petaurista) | |
| Link, 1795 | ||
De reuzefleanhoarntsjes (wittenskiplike namme: Petaurista) foarmje in skaai fan 'e klasse fan 'e sûchdieren (Mammalia), it skift fan 'e kjifdieren (Rodentia), it ûnderskift fan 'e iikhoarntsjes en sliepmûzen (Sciuromorpha), de famylje fan 'e iikhoarntsjes (Sciuridae), de ûnderfamylje fan 'e echte iikhoarntsjes (Sciurinae), de tûke fan 'e fleanende iikhoarntsjes (Pteromyini) en de ûndertûke fan 'e echte fleanende iikhoarntsjes (Pteromyina). Ta dit skaai hearre, ôfhinklik fan 'e telwize, acht oant achttjin libbene soarten.
Beskriuwing
[bewurkje seksje | boarne bewurkje]Krekt as oare fleanende iikhoarntsjes kinne reuzefleanhoarntsjes net echt fleane, mar sweve se eins. Dat berikke se troch it patagium, de losse hûdflap tusken harren foar- en efterpoaten, strak te lûken en te brûken as wjukken. Sa kinne se frij lange ôfstannen troch de loft oerbrêgje fan 'e iene beam nei de oare. Reuzefleanhoarntsjes binne grutte oant tige grutte iikhoarntsjes, dy't nachts aktyf binne. Har dieet is foar it meastepart in herbivoar, hoewol't se soms ek lyts dierte frette, lykas ynsekten.
Soarten
[bewurkje seksje | boarne bewurkje]Libbene soarten
[bewurkje seksje | boarne bewurkje]Yn it skaai fan 'e reuzefleanhoarntsjes (Petaurista) wurde tradisjoneel de folgjende 8 soarten erkend:
- Bûtanreuzefleanhoarntsje (Petaurista nobilis)
- grut reuzefleanhoarntsje (Petaurista elegans)
- hodgsonreuzefleanhoarntsje of Hodgsons reuzefleanhoarntsje (Petaurista magnificus)
- Yndysk reuzefleanhoarntsje (Petaurista philippensis)
- Japansk reuzefleanhoarntsje of wytkielfleanhoarntsje (Petaurista leucogenys)
- read reuzefleanhoarntsje of tagûan (Petaurista petaurista)
- readbûnt reuzefleanhoarntsje (Petaurista alborufus)
- Sineesk reuzefleanhoarntsje (Petaurista xanthotis)
De folgjende 7 bisten wurde tradisjoneel beskôge as ûndersoarten, mar om't de tradisjonele soarten parafyletysk binne, wurde dizze ûndersoarten no hieltyd faker beskôge as soarten op harsels:
- Chindwinreuzefleanhoarntsje (Petaurista sybilla)
- Formoasareuzefleanhoarntsje (Petaurista grandis)
- griiskopreuzefleanhoarntsje (Petaurista caniceps)
- Hainanreuzefleanhoarntsje (Petaurista hainana)
- Yunnanreuzefleanhoarntsje (Petaurista marica)
- Taiwaneesk reuzefleanhoarntsje (Petaurista lena)
- wytbealchreuzefleanhoarntsje (Petaurista albiventer)
De folgjende 3 bisten binne nije soarten, dy't tusken 2007 en 2013 wittenskiplik beskreaun waarden troch de Yndiaaske mammalooch en ornitolooch Anwaruddin Choudhury, mar noch net algemiene erkenning genietsje:
- Meboreuzefleanhoarntsje (Petaurista siangensis)
- Mechukareuzefleanhoarntsje (Petaurista mechukaensis)
- Mishmireuzefleanhoarntsje (Petaurista mishmiensis)
Fossilen
[bewurkje seksje | boarne bewurkje]Njonken de libbene soarten binne der fan 'e reuzefleanhoarntsjes noch trije útstoarne soarten bekend dêr't fossilen fan fûn binne:
- hellerreuzefleanhoarntsje of Hellers reuzefleanhoarntsje (Petaurista helleri) (Pleistoseen fan Dútslân)
- koarttoskreuzefleanhoarntsje (Petaurista brachyodus) (Pleistoseen fan Sina)
- Tetjûchereuzefleanhoarntsje (Petaurista tetyukhensis) (Pleistoseen fan it Russyske Fiere Easten)
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
