Perûviaansk grûndoke

Perûviaansk grûndoke
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift do-eftigen (Columbiformes) famylje dofûgels of dowen (Columbidae) skaai lytse grûndowen (Columbina)
soarte
Columbina cruziana
Prévost, 1842
IUCN-status: net bedrige
ferspriedingsgebiet

It Perûviaansk grûndoke (Columbina cruziana) is in fûgelsoarte út de famylje dowen (Columbidae).

Beskriuwing

Perûviaansk grûndoke yn Canoa (Ekwador).

Perûviaanske grûndokes binne lytse, 15 sm lange dokes. De kop fan it folwoeksen mantsje is blaugriis en syn boppedielen binne brúngriis. De sintrale sturtfearren binne donkerder griis en de bûtenste swart mei wite punten. De sletten wjuk hat in wynread balkje en donkere plakjes. It boarst en de ûnderkant binne rôzich. It each is read mei in wite bûtenring en wurdt omjûn troch bleate giele hûd. Syn frij lange snaffel is by de basis heldergiel. De kop fan it folwoeksen wyfke is brún en de wjukmarkearingen binne minder sterk as dy fan it mantsje. Jonge fûgels binne fergelykber mei it wyfke, mar har fearren hawwe dof gielbrune punten.

Fersprieding

De fûgel komt foar fan noardlik Ekwador oant noardlik Sily.

De soarte libbet yn leechlân, dêr't se yn parken, stêden, op boerelân en healiepen gebieten sjoen wurde. Se libje yn groepkes en en ite op grûn, mar binne faak op elektrisiteitstriedden te sjen.

Perûviaanske grûndokes foarmje in monotypyske soarte, itjinge betsjut dat der gjin ferdieling yn ûndersoarten is.

Status

De soarte wurdt troch de IUCN as net bedrige (LC, 2024) beskôge. De populaasje wurdt grutter om't de fûgel him maklik oanpast oan in omjouwing dy't troch minsken feroare is.

Boarnen, noaten en/as referinsjes:

BirdLife International Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Perûviaansk grûndoke fan Wikimedia Commons.