Penric and Desdemona

Penric and Desdemona
algemiene gegevens
auteur	Lois McMaster Bujold
taal	Ingelsk
foarm	romansearje
sjenre	fantasy
skreaun	2016 – no
oarspr. útjwr.	Subterranean Press
rige
rige	The World of the Five Gods

Penric and Desdemona is in rige novelles dy't sûnt 2016 skreaun wurdt troch de Amerikaanske fantasy- en science fiction-auteur Lois McMaster Bujold. De rige giet oer de tsjoender Penric sibbe Jurald, dy't bejeftige is mei de gaosdemon Desdemona. De ferhalen fan Penric and Desdemona, dy't yn it personele perspektyf skreaun binne, meitsje diel út fan Bujold har gruttere romansearje The World of the Five Gods, dêr't Penric and Desdemona winliken in spin-off-rige fan is.

Utgongspunt

Penric sibbe Jurald is in jonge ealman út 'e Kantonnen dy't op in dei oan 'e kant fan 'e wei in âlde tsjoenster stjerrend oantreft nei't hja in hertoanfal krigen hat. It âldminske bejeftiget him mei de gaosdemon dy't har har boppenatuerlike krêften jout, sadat Penric fan it ien op it oare momint in tsjoender wurdt. Syn libben nimt dêrtroch in folslein ûnferwachtse kear. Hy wit him dêr lykwols skoan oan oan te passen en slút in hechte freonskip mei de froulike demon, dy't er de namme Desdemona jout. Tegearre reitsje yn alderhanne aventoeren fersyld.

Searje

Dielen

(op folchoarder fan 'e ynterne gronology fan 'e searje, ynstee fan op folchoarder fan útjefte)

• 2015 – Penric's Demon
• 2016 – Penric and the Shaman
• 2017 – Penric's Fox
• 2020 – Masquerade in Lodi
• 2017 – Penric's Mission
• 2017 – Mira's Last Dance
• 2019 – The Prisoner of Limnos
• 2019 – The Orphans of Raspay
• 2020 – The Physicians of Vilnoc
• 2021 – The Assassins of Thasalon

Omnibusútjeften

• 2020 – Penric's Progress (omfettet: Penric's Demon, Penric and the Shaman en Penric's Fox)
• 2020 – Penric's Travels (omfettet: Penric's Mission, Mira's Last Dance en The Prisoner of Limnos)

Pleatsing yn The World of the Five Gods

Yn 'e ynterne gronology fan 'e searje The World of the Five Gods spilet Penric's Demon 160 jier nei de foarfallen yn The Hallowed Hunt en goed 100 jier foàr The Curse of Chalion en Paladin of Souls. De rest fan 'e Penric and Desdemona-rige folget op Penric's Demon: Penric and the Shaman fiif jier dêrnei, Penric's Fox in jier dêr wer nei en dêr wer in jier as fiif nei Penric's Mission, Mira's Last Dance en The Prisoner of Limnos (dy't suver naadleas opinoar oanslute).

Boarnen, noaten en referinsjes

Boarnen, noaten en/as referinsjes:

Bujold, Lois McMaster, Penric's Demon, Burton (Michigan), 2016 (Subterranean Press), ISBN 978-1 59 60 67 691. Bujold, Lois McMaster, Penric and the Shaman, Burton (Michigan), 2016 (Subterranean Press), ISBN 978-1 59 60 68 155. Bujold, Lois McMaster, Penric's Fox, Burton (Michigan), 2017 (Subterranean Press), ISBN 978-1 59 60 68 636. Bujold, Lois McMaster, Penric's Mission, Burton (Michigan), 2017 (Subterranean Press), ISBN 978-1 59 60 68 445. Bujold, Lois McMaster, Mira's Last Dance, Burton (Michigan), 2017 (Subterranean Press), ISBN 978-1 59 60 68 544. Bujold, Lois McMaster, The Prisoner of Limnos, Burton (Michigan), 2019 (Subterranean Press), ISBN 978-1 59 60 68 841. Bujold, Lois McMaster, The Orphans of Raspay, Burton (Michigan), 2020 (Subterranean Press), ISBN 978-1 59 60 69 725. Bujold, Lois McMaster, Penric's Progress, New York, 2020 (Baen Books), ISBN 978-1 98 21 24 298. Bujold, Lois McMaster, Penric's Travels, New York, 2020 (Baen Books), ISBN 978-1 98 21 24 571.