Pearelhalstoartel

pearelhalstoartel
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift do-eftigen (Columbiformes) famylje dofûgels of dowen (Columbidae) skaai spikkeldowen (Spilopelia)
soarte
Spilopelia chinensis
Scopoli, 1786
IUCN-status: net bedrige

De pearelhalstoartel (Spilopelia chinensis, synonimen: Stigmatopelia chinensis en Streptopelia chinensis) is in soarte fan toarteldo. De fûgel waard yn 1786 beskreaun troch de Italjaanske natuerkundige Scopoli. De fûgel hat in grut ferspriedingsgebiet yn in grut part fan Súd-Aazje en de Yndyske Arsjipel en kom bûten dat gebiet ek as eksoat foar.

Taksonomy

Der is in soad betizing oer de skaainamme fan 'e pearelhalstoartel. Earder wie de soarte yndield yn it skaai toarteldowen (Streptopelia). Om't de pearelhalsdo ferskilt fan 'e oare soarten yn dat skaai, waard de soarte om 'e iuwwikseling hinne yndield yn it nij skaai Stigmatopelia. Yn 2012 waard de pearelhalsdo tegearre mei de palmtoartel (Spilopelia senegalensis), op 'e IOC World Bird List yn it skaai mei de namme Spilopelia set.

Beskriuwing

De pearelhalstoartel wurdt likernôchy 30 oant 34 sm lang. De do hat in frij lange sturt en it meast opfallende skaaimerk is de swarte bân om 'e nekke mei dúdlike wite stipkes, dêrfandinne de namme pearelhalsdo.

Fersprieding

De fûgel hat in ferspriedingsgebiet oer it Yndiaaske subkontinent, súdlik Sina, Yndo-Sina en de Yndyske Arsjipel. It is in algemiene fûgel fan iepen lân, sekundêre bosk, lânbougebieten, parken en tunen.

De soarte hat fiif ûndersoarten:

• Spilopelia chinensis suratensis : fan Pakistan oant Nepal, Yndia en Sry Lanka.
• Spilopelia chinensis ceylonensis: Sry Lanka
• Spilopelia chinensis tigrina : fan noardlik Yndia oer Yndo-Sina oant de Filipinen en de Sûnda-eilannen.
• Spilopelia chinensis chinensis : fan Birma oant sintraal en eastlik Sina en Taiwan.
• Spilopelia chinensis hainana: Hainan (tichtby súdeast-Sina).

Eksoat

Sûnt de 19e iuw binne ferskate ûndersoarten bûten it oarspronklike ferspriedingsgebiet yntrodusearre yn Austraalje, Fidzjy, Mauritsius, Meksiko, Nij-Kaledoanje, Nij-Seelân, Papoea Nij-Guinea en Hawaï.

Status

De pearelhalstoartel hat in ûnbidich grut ferspriedingsgebiet. Allinnich dêrom is de kâns op útstjerren al hiel lyts. De grutte fan 'e populaasje is net kwantifisearre, mar oannommen wurdt dat de soarte yn oantallen tanimt. Dêrfandinne wurdt de do op 'e Reade list fan 'e IUCN as net bedrige klassifisearre.

Fok

By it hâlden fan 'e soarte is de fûgel earst frijwat skou. Ienris went oan 'e nije omjouwing en fersoarging wurdt dat better. De pearelnektoartel leit twa aaien. Se briede de aaien yn 14 dagen út en soargje goed foar harren jongen. De soarte hat in moaie rop, is winterhurd, binne net dreech te hâlden en net djoer. Se kinne it bêste as pearke hâlden wurde, lykas ek oare dowen.

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan 'e Nederlânsktalige Wikipedyside; sjoch foar de bewurkingsskiednis: nl:Parelnektortel (ferzje 7 juny 2025) Commons Wikimedia Commons  Ofbylden dy't by dit ûnderwerp hearre, binne te finen yn de kategory Pearelnektoartel fan Wikimedia Commons.