Pearelglee

pearelglee
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift falkeftigen (Accipitriformes) famylje haukfûgels (Accipitridae) skaai pearelgleeën (Gampsonyx)
soarte
Gampsonyx swainsonii
Vigors, 1825
IUCN-status:
ferspriedingsgebiet

De pearelglee (Gampsonyx swainsonii) is in lytse rôffûgel fan 'e famylje fan 'e haukfûgels (Accipitridae).

Skaaimerken

Mei in lingte fan 20 oant 23 sintimeter is de pearelglee de lytste rôffûgel fan 'e Nije Wrâld. De boppekant is meastentiids griis-swart, wylst de ûnderkant wyt mei wat oranje-brune tinten is. De wangen en de foarholle ha ek in bleek-oranje kleur. Op 'e sydkanten fan it boppeboarst sitte in pear lytse swarte plakken. De fûgel hat opfallende giele poaten en in giele snaffelbasis.

Fersprieding en leefgebiet

Dizze soarte komt foar yn savannelânskippen fan Súd-Amearika. De soarte wurdt opdield yn trije ûndersoarten:

• G. s. leonae: Komt foar fan Nikaragua oant it noarden fan Súd-Amearika.
• G. s. magnus: Libbet yn it westen fan Kolombia oant it westen fan Perû.
• G. s. swainsonii: De meast fersprate foarm, fan it midden fan Brazylje oant Argentynje.

Ekology en gedrach

De pearelglee is in rôffûgel fan it iepen fjild. Oars as de measte oare gleeën, dy't faak op ynsekten jeie, hat dizze lytse jager in oare spesjaliteit. Hy sit faak op in heech útsjochpunt, lykas in deade tûke of in tillefoanpeal, om syn proai te ferkennen. Hy yt foaral hagedissen, mar ek grutte ynsekten en soms lytse fûgels. As er in proai sjocht, dûkt er der boppe-op, in bytsje lykas in wikel dat ek dwaan kin.

Se bouwe in lyts nêst fan tûken yn in beamtop. It wyfke leit meastentiids twa oant fjouwer aaien.

Status en bedrigingen

De soarte hat de status net bedrige (Least Concern) op 'e Reade List fan de IUCN. De wrâldpopulaasje wurdt rûsd op 0,5 oant 5 miljoen folwoeksen fûgels. Oars as in soad oare rôffûgels, liket de pearelglee yn oantal ta te nimmen. Dat komt om't ûntbosking foar dizze fûgel eins mear gaadlik leefgebiet (iepen savanne en lânbougrûn) opleveret.

Boarnen, noaten en/as referinsjes:

BirdLife International, oproppen 3 maaie 2026. eBird, oproppen 3 maaie 2026. Birds of the World, oproppen 4 maaie 2026. Commons Wikimedia Commons  Ofbylden dy't by dit ûnderwerp hearre, binne te finen yn de kategory Gampsonyx swainsonii fan Wikimedia Commons.