Patrice Martinez

Ut Wikipedy
Jump to navigation Jump to search
Patrice Martinez
Filmklapper.png akteur
persoanlike bysûnderheden
echte namme Patrice Martinez
nasjonaliteit Flag of the United States.svg Amerikaansk
berne 12 juny 1963
berteplak Albuquerque (Nij-Meksiko)
etnisiteit Flag of Mexico.svg Meksikaansk
jierren aktyf 1986 – no
offisjele webside
gjint

Patrice Martinez (Albuquerque (Nij-Meksiko), 12 juny 1963) is in Amerikaansk tillefyzje-, film- en toanielaktrise fan Meksikaansk etnysk komôf. Hja waard benammen bekend troch har rol as Victoria Escalante yn 'e tillefyzjesearje Zorro.

Libben en karriêre[bewurkje seksje | boarne bewurkje]

Jonkheid en oplieding[bewurkje seksje | boarne bewurkje]

Martinez waard yn 1963 berne yn Albuquerque, yn 'e Amerikaanske steat Nij-Meksiko. Hja is de suster fan akteur Benito Martinez. Ek har jongere suster Benita, mei wa't Martinez twa jier skeeld, hat wat aktearwurk dien. As bern trede Martinez al op yn pleatslike teäters. Se sette har karriêre as filmaktrise yn 1978 yn har tinerjierren útein, as figurante yn 'e film Convoy, fan 'e ferneamde regisseur Sam Peckinpah. Nei't se de middelbere skoalle yn Albuquerque ôfrûne hie, ferfear Martinez nei de Britske haadstêd Londen ta om toaniel te studearjen oan 'e prestizjeuze Royal Academy of Dramatic Art (RADA).

Aktearkarriêre[bewurkje seksje | boarne bewurkje]

Doe't se as folleard aktrise weromkeard wie yn 'e Feriene Steaten, sette Martinez har nei wenjen yn Los Angeles. Dêr hie se yn 1987 har earste echte filmrol yn A Walk on the Moon. Yn 1986 hie se in lytse trochbraak mei har rol as Carmen yn 'e film ¡Three Amigos!, mei Steve Martin, Chevy Chase en Martin Short. Op basis dêrfan waard har de rol fan Linda Lee Ellison oanbean yn 'e detektivesearje Magnum, P.I., as tsjinspylster fan Tom Selleck. Neitiid hie se rollen yn oare searjes, lykas Miami Vice, Beetlejuice, The Effects of Magic en Vital Signs.

It bekendst waard Martinez lykwols fan 1990 ôf mei har rol yn 'e rige Zorro. Dêryn fertolke hja de rol fan Victoria Escalante, de weardinne fan 'e pleatslike herberge, op wa't de maskere held in eachje hat, mar mei wa't er hieltyd krekt gjin relaasje kriget. Nei't Zorro yn 1993 einige, lei Martinez har benammen ta op aktearwurk op 'e planken.

Priveelibben[bewurkje seksje | boarne bewurkje]

Martinez wie ferskate jierren troud mei regisseur en tillefyzjeprodusint Daniel Camhi. Dêrfandinne dat hja yn 'e earste twa seizoenen fan Zorro op foartiteling neamd waard as 'Patrice Camhi'. Nei harren skieding, yn 1991, waard se fan seizoen trije ôf 'Patrice Martinez' neamd.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.