Swartnekfazantdo

Swartnekfazantdo
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift do-eftigen (Columbiformes) famylje dofûgels of dowen (Columbidae) skaai fazantdowen (Otidiphaps)
soarte
Otidiphaps insularis
Salvin & Godman, 1883
IUCN-status: krityk

De swartnekfazantdo (Otidiphaps insularis) is in bedrige fûgel út de famylje dowen (Columbidae). De fûgel wurdt troch in soad autoriteiten as de ûndersoarte Otidiphaps nobilis insularis fan 'e fazantdo (Otidiphaps nobilis) beskôge, mar BirdLife International en de IUCN behannelje de soarte as in selsstannige soarte.

De fûgel waard foar it earst sûnt de beskriuwing yn 1883 troch in ekspedysje yn septimber 2022 op in hichte fan 1000 m fan 'e Mount Kilkerran mei in kamerfal fotografearre. Tusken dy tiid waard tocht dat de fûgel dêr útstoarn wie.

Beskriuwing

De 42 oant 50 sm lange fûgel weaget likernôch 500 gram. De kop, it boarst, de búk en de stút en ûnderrêch binne swart mei in pearse glâns. De mantel en wjukken binne kastanjebrún en de sturt is swart. De soarte ûnderskiedt him fan oare fazantdowen troch in ûntbrekken fan in wyt, griis of grien plak yn 'e nekke.

Fersprieding

De swartnekfazantdo is endemysk op it eilân Fergusson (D'Entrecasteaux-eilannen, Nij-Guineä) en libbet yn reinwâlden oant in hichte fan 1700 m boppe seenivo.

Iten

De fûgel libbet op 'e grûn en yt sied en fruchten.

Status

De populaasje wurdt op 50 oant 250 fûgels rûsd (2021) en it ferspriedingsgebiet is beheind. Dêrfandinne is de kâns op útstjerren oanwêzich. De fûgels wurde bedrige troch it ferlies fan habitat troch de houtkap fan ynternasjonale bedriuwen en predaasje fan ferwyldere katten. Wittenskippers hoopje dat de ûntdekking fan 'e fûgel yn 2022 laat ta beskermingsmaatregelen, dêr't ek oare planten en bisten op it eilân foardiel fan ha.

Boarnen, noaten en/as referinsjes:

Birdlife Commons Wikimedia Commons  Ofbylden dy't by dit ûnderwerp hearre, binne te finen yn de kategory Fazantdo fan Wikimedia Commons.