Nynke Laverman

Ut Wikipedy
Gean nei: navigaasje, sykje
Nynke Laverman, skildere troch Gerrit Breteler.

Nynke Laverman (Weidum, 14 april 1980) is in Fryske sjongster en aktrise.

Biografy[bewurkje seksje | boarne bewurkje]

Nynke is berne yn Weidum. Hja die yn Ljouwert it TWU en doe yn Amsterdam de Akademy foar Lytskeunst. Hja rûn staazje by Tryater en studearre ôf yn 2002. Nei har stúdzje presintearre hja foar Omrop Fryslân in skoftke it op-muzyk-rjochte tillefyzjeprogramma No Nynke.

Yn 2003 wie hja part fan in groep fan fjouwer teatermakkers dy't op Oerol it programma Angela Vicario brocht. Yn 2003 begûn hja oan in teaterprogramma mei Fryske fado's, Sielesâlt. Op 5 juny 2004 presentearre hja hjirfan de cd Sielesâlt mei fado-muzyk, ûnder oaren mei teksten fan J. Slauerhoff, dêr't hja yn 2006 de Piter Jellespriis foar krige. Laverman reizge troch hiel it lân en song ek yn ferskate tillefyzjeprogramma's, mar it hichtepunt wie op Keninginnedei, 30 april 2005, doe't hja part wie fan de sjo foar Keninginne Beatrix op it Malieveld yn De Haach.

Nei Sielesâlt spile Nynke yn 2005 de titelrol yn it stik Lytse Fûgel fan Tryater. Hja spilet ek in byrol mei sang yn de film Het Zwijgen, dy't yn maart 2006 útkaam. Ein 2005 kaam hja mei in nij programma, De Maisfrou. Hjirfan is yn maaie 2006 in CD útbrocht. Foar dit wurk is sy yn 2006 ûnderskieden met de Piter Jellespriis.

Op 3 oktober 2010 krige hja in Edison, yn de kategory teater, útrikt foar har album Nomade.

Nynke Haverman skreau en song yn 2017 Seis oere thús as werkenningsmelody en soundtrack fan Kulturele Haadstêd fan Jeropa 2018. It nûmer waard spile troch it Noard Nederlânsk Orkest. De komposysje makke se tegearre mei Sytze Pruiksma.

Diskografy[bewurkje seksje | boarne bewurkje]

Eksterne keppelings[bewurkje seksje | boarne bewurkje]