Norddorf auf Amrum
| Norddorf auf Amrum / Noorsaarep | ||
 | ||
| Lokaasje fan 'e gemeente Norddorf auf Amrum (read) yn Noard-Fryslân. | ||
| Bestjoer | ||
| Lân |  Dútslân | |
| Dielsteat |  Sleeswyk-Holstein | |
| Kreis | Noard-Fryslân | |
| Amt | Föhr-Amrum | |
| Sifers | ||
| Ynwennertal | 526 (31.12.2024)[1] | |
| Oerflak | 5,89 km² | |
| Befolkingsticht. | 89 ynw./km² | |
| Hichte | 0 m | |
| Oar | ||
| Postkoade | 25946 | |
| Offisjele webside | ||
| www.amtfa.de | ||
| Kaart | ||
  | ||
Norddorf (Noardfrysk: Noorsaarep, Deensk: Nordtorp) is in plak en gemeente yn 'e kreis Noard-Fryslân yn 'e Dútske dielsteat Sleeswyk-Holstein op it eilân Amrum. De gemeente wurket mei oare gemeenten gear yn it amt Föhr-Amrum en hat 526 ynwenners (2024).
Geografy
[bewurkje seksje | boarne bewurkje]
Oan 'e kant fan 'e westlike kust leit in 15 km lang en oant 1,5 km breed strân foar it eilân mei de namme Kniepsand. It liket oft dat strân by Amrum heart en it rint oer yn 'e dunerige. Geologysk is it lykwols gjin ûnderdiel fan Amrum. Yn 'e rin fan 'e kommende iuwen wurdt ferwachte dat it Kniepsand fierder om 'e noardlike punt fan Amrum hinne bûgje sil. It Kniepsand wurket as in natuerlike eilânbeskerming by stoarmfloeden en leveret in soad sân op foar it opbouwen fan 'e dunen.
Winterdeis strûpt it Kniepsand regelmjittich ûnder wetter troch hege stoarmfloeden. Dêrby wurde faak dunen dy't simmerdeis ûntstiene wer weislein.
Skiednis
[bewurkje seksje | boarne bewurkje]Norddorf is tegearre mei Süddorf de âldste fan 'e doarpen op Amrum. Yn 1890 stifte Friedrich von Bodelschwingh yn en benoarden Norddorf in oantal sanatoaria, dy't it karakter fan it plak foar in lang skoft bepaalden. Yn 2001 waard Hospiz I, dat sawat in kilometer benoarden it doarp stie, ôfbrutsen. De oare sanatoaria besteane hjoed-de-dei ek net mear of wurde foar oare doelen brûkt.
Op 25 july 1925 makke Norddorf him los út de gemeente Amrum, dy't op dat stuit it hiele eilân omfieme útsein Wittdün. De gemeente Norddorf waard doe as nije bestjoerlike ienheid stifte. Yn itselde jier baarnde in grut part fan it doarp ôf, wêrtroch't it doarpsbyld sûnt dy tiid foaral bepaald wurdt troch nijere huzen sûnder reiden tekken.
In eardere haven noardlik fan it eilân moast troch de fersâning tsjin de ein fan 'e jierren 1930 opjûn wurde.
Mei de stifting fan in kueroard yn 1956 krige Norddorf de status fan seekueroarde. Op 27 april 2009 krige de gemeente de tafoeging auf Amrum.
| Boarnen, noaten en/as referinsjes: | ||
|
