Noard-Fryske Lokaalspoarwei-Maatskippij

	Noard-Fryske Lokaalspoarwei-Maatskippij
	Fabryksnije stoomlokomotief nr. 1 fan de NFLS, letter nr. 1051 (HSM) en dêrnei nr. 7101 (NS).
	Algemiene Ynformaasje
Lân	Nederlân
Haadfêstiging	Ljouwert
Aktyf fan	31 maaie 1899
Opheffing	1 jannewaris 1935
Reden opheffing	finansjele tsjinslach
	Bedriuwsstruktuer
Memmebedriuw	Nederlandse Spoorwegen (krige regy foar sluting)
	Behear
Trajekten	Ljouwert- Eanjum (Dokkumer Lokaeltsje),; Stiens - Harns,; Tsjummearum - Frjentsjer
Stasjons	Halte Ljouwert, Jelsum, Stiens, Finkum, Hijum, Hallum, Marrum-Westernijtsjerk, Ferwerd, Lokkich, Holwert, Ternaard, Hantum, Dokkum-Ealsum, Metslawier, Morra-Ljussens, Eanjum, Buerstermûne, Froubuorren, Sint-Anne, Sint-Jabik, Minnertsgea, Tsjummearum, Doangjum, Frjentsjer Halte, Easterbierrum, Seisbierrum-Pitersbierrum, Winaam, Mullum-Hjerbeam
Trajektlingte	78,1 km

De Noard-Fryske Lokaalspoarwei-Maatskippij (NFLS) waard oprjochte op 31 maaie 1899 yn Ljouwert. Dizze maatskippij lei normaalspoarige lokaalspoarlinen oan benoarden de Fryske haadstêd. Ut Ljouwert wei rûn der in line nei Stiens, dêr't dy him splitste yn in eastlike en westlike takke.

Nei de splitsing yn Stiens gie de westlike takke fia ûnder oare Sint-Anne en Tsjummearum nei Harns mei in sydtakke nei Frjentsjer (sjoch spoarline Stiens - Harns en spoarline Tsjummearum - Frjentsjer). De eastlike takke (it 'Dokkumer lokaaltsje') gie nei Stiens fierder yn de rjochting fan ûnder oare Ferwert, Ternaard, Dokkum-Ealsum en it einpunt Mitselwier en Eanjum.

De NFLS wie yn har fersoargingsgebiet in direkte konkurrint fan de Nederlânske Tramwei Maatskippij, dy't normaalspoarige tramlinen boude en eksploitearre yn hiel Fryslân.

Oandielen

De NFLS hie in maatskiplik kapitaal fan 1.100.000 gûne, ferdield yn oandielen fan elk 1000 gûne. Der wiene 1100 oandielen.

Standerttype NFLS

Standerttype NFLS is in stasjonsûntwerp dat brûkt waard foar ferskate spoarstasjons yn Fryslân. De stasjons waarden allegear begjin 20e iuw boud en hawwe likernôch 30 oant 40 jier tsjinst dien as stasjon.

Iepening

22 april 1901: Ljouwert – Ferwert
2 oktober 1901: Ferwert – Mitselwier
2 desimber 1902: Stiens – Tsjummearum
1 oktober 1903: Tsjummearum – Frjentsjer Halte en Tsjummearum – Midlum-Herbeidjum
2 maaie 1904: Midlum - Hjerbeam - Harns SS
24 augustus 1913 Mitselwier – Eanjum

De eksploitaasje, dy't ynearsten troch de NFLS sels útfierd waard, waard fan 1 desimber 1905 ôf oernommen troch de HSM.

Sluting

Op 1 jannewaris 1935 waard de NFLS troch de Steat nasjonalisearre en giene de linen oer nei de Nederlânske Spoarwegen (NS).

Dêrnei fûn der sluting (en foar in part weriepening) fan linegedieltes plak:

8 oktober 1933: sluting Tsjummearum – Frjentsjer, dêrnei opbrutsen
15 maaie 1935: sluting Tsjummearum – Harns foar reizgersferfier
15 maaie 1935: sluting Dokkum-Aalsum – Eanjum, dêrnei opbrutsen
15 maaie 1936: sluting Stiens – Tsjummearum foar reizgersferfier
1 july 1936: sluting Ljouwert – Dokkum-Ealsum foar reizgersferfier
11 jannewaris 1938: sluting Midlum-Hjerbeam – Harns foar frachtferfier, dêrnei opbrutsen
28 maaie 1940: weriepening Ljouwert – Dokkum-Ealsum foar reizgersferfier
28 maaie 1940: weriepening Stiens – Tsjummearum foar reizgersferfier
1 desimber 1940: sluting Ljouwert – Dokkum-Ealsum foar reizgersferfier
1 desimber 1940: sluting Stiens – Tsjummearum foar reizgersferfier
30 oktober 1942: sluting Tsjummearum – Midlum-Hjerbeam foar frachtferfier, dêrnei opbrutsen
7 desimber 1961: sluting Minnertsgea – Tsjummearum foar frachtferfier, dêrnei opbrutsen
4 maaie 1966: sluting Mooie Paal oansluting – Berltsum (eardere NTM-tramline) foar frachtferfier, dêrnei opbrutsen
27 septimber 1971: sluting Stiens – Minnertsgea foar frachtferfier
1973: sluting Holwert – Dokkum-Ealsum foar frachtferfier
1975: sluting Stiens – Holwert foar frachtferfier
1978: Holwert – Dokkum-Ealsum opbrutsen
1980: Stiens – Holwert opbrutsen
1980: Stiens – Minnertsgea opbrutsen
1995: sluting Ljouwert – Stiens foar frachtferfier
1997: lêste rit Ljouwert – Stiens
2006: opbrekken fan earste part Ljouwert – Stiens, de spoaren op it yndustryterrein by it emplassemint Ljouwert
2011: opbrekken fan lêste part Fleanbasis-Jelsum-Stiens. Op inkele plakken binne noch wat oerbliuwsels te finen (ûnder oare Westerein Ljouwert; kuierpaad tusken it spoar).

Stasjons fan de NFLS

	Iepene	Sluten	Spoarline	Opmerking
Blije	1901	1940	Dokkumer Lokaeltsje
Buerstermûne	1902	1940	Spoar Stiens - Harns
Doanjum	1903	1933	Spoar Tsjummearum - Frjentsjer
Dokkum-Ealsum	1901	1940	Dokkumer Lokaeltsje	It gebou waard sloopt yn 1974.
Eanjum	1913	1935	Dokkumer Lokaeltsje
Easterbierrum	1903	1935	Spoar Stiens - Harns	It gebou waard sloopt yn 1980.
Ferwert	1900	1940	Dokkumer Lokaeltsje	It gebou waard sloopt yn 1974.
Feinsum	1900	1932	Dokkumer Lokaeltsje	It gebou waard sloopt yn 1931.
Frjentsjer Halte	1903	1933	Spoar Tsjummearum - Frjentsjer
Froubuorren	1902	1940	Spoar Stiens - Harns	It gebou waard sloopt yn 2002.
Hallum	1900	1940	Dokkumer Lokaeltsje	It gebou waard sloopt tusken 1970 & 1974.
Hantum	1901	1940	Dokkumer Lokaeltsje	It gebou waard sloopt yn 1960.
Holwert	1901	1940	Dokkumer Lokaeltsje
Hijum	1900	1940	Dokkumer Lokaeltsje
Jelsum	1900	1940	Dokkumer Lokaeltsje	Ferlern gien yn de Twadde Wrâldkriich
Ljouwert Halte	1900	1940	Dokkumer Lokaeltsje	It gebou waard sloopt yn 1970.
Marrum-Westernijtsjerk	1900	1940	Dokkumer Lokaeltsje	pankoek restaurant
Minnertsgea	1902	1940	Spoar Stiens - Harns
Mitselwier	1901	1935	Dokkumer Lokaeltsje
Morra-Ljussens	1913	1935	Dokkumer Lokaeltsje
Mullum-Hjerbeam	1903	1935	Spoar Stiens - Harns
Stiens	1900	1940	Dokkumer Lokaeltsje, Spoar Stiens - Harns
Seisbierrum-Pitersbierrum	1903	1935	Spoar Stiens - Harns
Sint-Anne	1902	1940	Spoar Stiens - Harns
Sint-Jabik	1902	1940	Spoar Stiens - Harns	It gebou waard sloopt yn 1960.
Ternaard	1901	1940	Dokkumer Lokaeltsje
Tsjummearum	1902	1940	Spoar Stiens - Harns, Spoar Tsjummearum - Frjentsjer
Winaam	1903	1935	Spoar Stiens - Harns

Sjoch ek

Boarnen, noaten en referinsjes

Boarnen, noaten en/as referinsjes:

Wikipedy:NL ferzje 64450993