Noard-Kaap

Noard-Kaap Noord-Kaap Northern Cape Kapa Bokone
Provinsje yn Súd-Afrika
Symboalen
Algemien
Lân	Súd-Afrika
Haadstêd	Kimberley
Grutste stêd	Kimberley
Befolking
Ynwennertal	1.355.946 (2022)
Befolkingsticht.	3,6 ynw./km²
Folken	swarten 54,3% kleurlingen 38,2% blanken 6,8% Yndiërs 0,7%
Religy	kristendom 97,8% islam 0,8% trad. Afrikaansk gjin 0,3%
Talen	Afrikaansk 54,6% Tswana 35,7% Xhosa 4,5% Ingelsk 2,4%
Geografy
Oerflak	372.889 km²
Hichte	0 - 2.156 m
Oar
Tiidsône	UTC+2 (SAST)
Offisjele webside
www.northern-cape.gov.za

Noard-Kaap is in provinsje fan Súd-Afrika. De provinsje is ynsteld yn 1994, doe't de eardere Kaapprovinsje spjalte waard yn Noardkaap, West-Kaap en East-Kaap. Yn it westen leit de Atlantyske Oseaan, yn it noarden Namybje en Botswana, yn it easten Noardwest en Oranje Frijsteat, en yn it súden East-Kaap en West-Kaap.

Noard-Kaap is wat oerflak oanbelanget nei it opspaltjen de grutste provinsje fan Súd-Afrika, mar ek de provinsje mei de minste ynwenners, om't in grut part fan de healwoastyn Karoo yn dit gebiet leit. Yn it noarden wennet in lyts part fan 'e Tswana, mar fierders wurdt yn dizze provinse fral Afrikaansk praat. De haadstêd fan 'e provinsje is Kimberley.

Geografy

It lânskip wurdt foar in grut part bepaald troch de Karoo en de Kalahary-woastyn. De Oranjerivier streamt troch de provinsje en is tige wichtich foar de lânbou (benammen wyn- en fruitbou by Upington).

Grutste plakken

Offisjele namme	Ynwenners	Bysûnderheden
Kimberley	225.000	Haadstêd; ferneamd om "Die Groot Gat" (diamantmyn).
Upington	75.000	Sintrum foar lânbou en de poarte nei de Kalahary.
Douglas	20.000	Leit by it gearkommen fan 'e Vaalrivier en de Oranjerivier.
De Aar	30.000	Wichtich spoarknooppunt foar Súd-Afrika.
Kuruman	13.000	Bekend om "Die Oog", in natuerlike wetterboarne yn 'e woastyn.
Springbok	12.000	Haadplak fan 'e Namakwa-regio.

Skiednis

De Noard-Kaap is yn 1994 ûntstien doe't de âlde Kaapprovinsje opdield waard yn trije nije provinsjes Noard-Kaap, West-Kaap en East-Kaap. It gebiet hat in ryk ferline dat weromgiet op 'e San en de Khoikhoi, de oarspronklike bewenners fan 'e krite. Yn 'e 19e iuw waard de skiednis fan 'e provinsje bepaald troch de ûntdekking fan diamanten by Kimberley yn 1871, wat late ta in diamantkoarts en de opkomst fan it diamantebedriuw De Beers.

Bestjoer

De haadstêd en grutste stêd is Kimberley. De provinsje is tinbefolke, wat it bestjoer oer sa'n grut oerflak útdaagjend makket.

Kaart fan de gemeenten	Bestjoerlike yndieling
	Noard-Kaap is opdield yn 5 distriktsgemeenten: Frances Baard (haadplak: Kimberley) John Taolo Gaetsewe (haadplak: Kuruman) Namakwa (haadplak: Springbok) Pixley ka Seme (haadplak: De Aar) ZF Mgcawu (haadplak: Upington) De provinsje hat yn totaal 26 lokale gemeenten.

Befolking

De Noard-Kaap is de iennige provinsje dêr't it Afrikaansk de dominante taal is. De taal wurdt troch in krappe mearderheid fan 'e befolking as memmetaal, fral troh de blanken en keurlingen. De twadde taal is it Tswana (31,9%), dat fral yn it noardeasten fan 'e provinsje praat wurdt.

Befolkingsûntwikkeling (1996–2022)

Jier	1996	2001	2011	2022
Inwennertal	1.011.864	991.876	1.145.861	1.355.946
Groei (%)	—	-2,0%	+15,5%	+18,3%

Boarne: Statistics South Africa (Census 2022 Statistical Release)

Toerisme

Augrabieswetterfal.

Namakwalân.

Wichtige toeristyske attraksjes binne:

• It Nasjonaal Park Augrabiesfalle, dêr't de Oranjerivier mei geweld yn in djip ravyn stoart.
• It Kgalagadi Transfrontier Park, in grut wyldreservaat op 'e grins mei Botswana.
• Namakwalân, dat yn de maitiid (augustus/septimber) feroaret yn in ûnbidich grut fjild mei wylde blommen.
• De Square Kilometre Array (SKA) is in gigantysk radioteleskoop-projekt Carnarvon.

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Noard-Kaap fan Wikimedia Commons.