Nijseelânske swarte strânljip
| Nijseelânske swarte strânljip | ||||||||||||
|---|---|---|---|---|---|---|---|---|---|---|---|---|
 | ||||||||||||
| swarte morf. | ||||||||||||
| taksonomy | ||||||||||||
| ||||||||||||
| soarte | ||||||||||||
| Haematopus unicolor | ||||||||||||
| Forster, 1844 | ||||||||||||
IUCN-status: 
| ||||||||||||
| ferspriedingsgebiet | ||||||||||||
 |
De Nijseelânske swarte strânljip (Haematopus unicolor) is in fûgel út de famylje fan 'e strânljipfûgels (Haematopodidae).
Beskriuwing
[bewurkje seksje | boarne bewurkje]De Nijseelânske strânljip is in 47–49 sm lange strânljip dy't, unyk foar de famylje, yn trije kleurfoarmen (morfen) foarkomt: in swarte, in swart-wite en in tuskenfoarm. De swarte fûgel is roetswart of glânzgjend swart, mei in reade eachring en iris. Hy liket in hiel soad op 'e Súdamerikaanske swarte strânljip, mar hat in koartere sturt dy't, as de fûgel stiet, net foarby de wjukpunten stekt. De hâlding is opfallend hoekich.
De swart-wite kleurfoarm hat in brede en fariëarjende, ûndúdlike bân op it ûnderste diel fan it boarst. Hy mist de wite skouderpartij fan 'e Australyske bûnte strânljip. Yn 'e flecht hat er in wite wjukbân krekt lykas de Australyske bûnte strânljip, mar is allinnich wyt op 'e boppeste sturtdekfearren.
De tuskenfoarm is foar it grutste part swart, mar ûnderskiedt him troch in bûnte ûnderkant. Wylst de boppekant en de kop faak in suver swart uterlik hawwe, binne it boarst, de búk en de flanken mingd mei wite fearkes, wat dêr soarget foar spikkelich patroan.
Swarte morf.
Tuskenfoarm.
Swart-wite morf.
.jpg)
Fersprieding en systematyk
[bewurkje seksje | boarne bewurkje]De fûgel komt foar by de kusten fan Nij-Seelân en op omlizzende eilannen. Hy wurdt as monotypysk beskôge, wat betsjut dat er net yn ûndersoarten ferdield wurdt. De Nijseelânske strânljip waard foarhinne as deselde soarte beskôge as de Chathamstrânljip en soms ek as de Jeropeeske en Aziatyske strânljippen. De ferskillende kleurfoarmen waarden earder as ferskate ûndersoarten of sels as ôfsûnderlike soarten beskôge. De Nijseelânske bûnte strânljip waard foarhinne as in swart-wite fariant fan 'e Nijseelânske swarte strânljip behannele. Se wurde hjoed-de-dei as ferskillende soarten behannele, mar hybridisaasje komt foar.
Hâlden en dragen
[bewurkje seksje | boarne bewurkje]De Nijseelânske swarte strânljip liket yn syn gedrach mear op swarte strânljippen as op de swart-wite soarten.
Status en bedrigings
[bewurkje seksje | boarne bewurkje]De soarte hat in grut ferspriedingsgebiet en in grutte populaasje en der wurdt tocht dat it tal fûgels tanimt. Op basis fan dy kritearia klassifisearret de IUCN de soarte as net bedrige (Least Concern).
| Boarnen, noaten en/as referinsjes: | ||
|
