Nasjonaal Park Mountain Zebra
| Nasjonaal Park Mountain Zebra | ||
 | ||
| In Kaapske berchsebra yn it park. | ||
| lokaasje | ||
| lân |  Súd-Afrika | |
| provinsje | East-Kaap | |
| neiste plak | by Cradock | |
| koördinaten | 32°15' S 25°27' E | |
| oare ynformaasje | ||
| oerflak | 284 km² | |
| stifting | 2 july 1937 | |
| behear | SANParks | |
| webside | sanparks.org | |
| kaart | ||
  | ||
It Nasjonaal Park Mountain Zebra of it Nasjonaal Park Berchsebra (Ingelsk: Mountain Zebra National Park) is in natuerreservaat yn Súd-Afrika, yn 'e provinsje East-Kaap. It park waard yn it foarste plak oprjochte om de útstjerrende Kaapske berchsebra te rêden. It leit yn it hert fan 'e Karoo en biedt in ferskaat oan lânskippen, fan iepen flakten oant rûge berchtoppen.
Skiednis
[bewurkje seksje | boarne bewurkje]Yn 'e jierren 1930 wie de Kaapske berchsebra (Equus zebra zebra) tichteby útstjerren; der wiene noch gjin hûndert bisten oer. Om de soarte te behâlden, waard in diel fan it hjoeddeiske park yn 1937 stifte op in boerepleats tichtby Cradock foar 9 bisten. Yn it begjin groeide de populaasje mar stadichoan, mar troch de útwreiding fan it park en it ferbetterjen fan it behear is de populaasje no folle grutter. It park is troch de jierren hinne útgroeid fan in lytse 17 km² nei de hjoeddeistige 266 oant 284 km².
Geografy en Klimaat
[bewurkje seksje | boarne bewurkje]It park leit yn 'e Bankberch-rige, dy't diel útmakket fan de Grutte Karoo. It lânskip wurdt karakterisearre troch djippe dellingen en hege berchtoppen dy't oant 1.900 meter heech binne. It klimaat hat utersten. De simmers binne hyt mei út en troch swiere tongerbuien, wylst it winterdeis tige kâld wurde kin.
Natuer
[bewurkje seksje | boarne bewurkje]De plantewrâld fan it park bestiet út in mjuks fan strewellen, gerslân en ferskate soarten akasia's yn 'e dellingen.
_after_lunch_..._(32212506717).jpg)
Njonken de Kaapske berchsebra binne der in soad oare sûchdieren te finen. Sûnt 2007 binne der wer jachtloaihoarsen (Acinonyx jubatus) yn it gebiet útset, en yn 2013 waarden der foar it earst yn mear as hûndert jier wer liuwen yn 'e krite yntrodusearre. Oare grutte bisten binne de buffel (Syncerus caffer), de swarte noashoarn (Diceros bicornis), de elandantilope (Taurotragus oryx) en de gimsbok (Oryx gazella).
It park telt mear as 200 ferskillende fûgelsoarten, wêrûnder de lammegier (Gypaetus barbatus) en de siktarisfûgel (Sagittarius serpentarius).
Toerisme
[bewurkje seksje | boarne bewurkje]It park is populêr by toeristen dy't in rêstiger alternatyf foar de grutte parken lykas it Nasjonaal Park Kruger sykje. Der binne ferhurde en ûnferhurde wegen foar safary's mei de eigen auto. Dêrneist binne der ferskate kuierrûtes, wêrûnder de Mountain Zebra Hiking Trail. Besikers kinne oernachtsje yn it haadkamp (Doornhoek) of yn mear isolearre akkomodaasjes.
| Boarnen, noaten en/as referinsjes: | ||
|
