Museum Warkums Erfskip

Ut Wikipedy
De waach yn Warkum

Museum Warkums Erfskip sit yn de âlde Waach fan Warkum oan De Merk. It museum toant de skiednis fan Warkum en omkriten en wurdt sûnt 27 desimber 1951 beheard troch de âldheidkundige feriening "Warkums Erfskip".

It museum húsmanne ynearsten yn it eardere weeshûs en ferhuze nei de boppeseal fan de Waach doe't de bibleteek dy romte ferliet en nei it bygebou efter kultureelsintrum De Klamaere gie.

Kolleksje[bewurkje seksje | boarne bewurkje]

De fêste kolleksje giet oer de Warkumer skiednis. Op 'e souder is in tentoanstelling ynrjochte oer it libben fan de Warkumer kofskipper Huijte Fookles út de 18e iuw. It museum organisearret ek losse tentoanstellingen. Under oaren oer de folgjende ûnderwerpen:

  • 2002: Piet Schoen (Bergen NH, 1909 - Warkum, 1985) syn atelier wie yn de boppeseal fan de waach, dêr't it museum no is [1]
  • 2003: Witte jurkjes [2], Bekende Workumers [3]
  • 2004: 100 jier Pleatslik Belang Warkum [4]
  • 2005: 50 jier Feriening Ald-Warkumers
  • 2006: Histoarje fan it Nutsdepartemint Warkum, Warkum en skippen [5]
  • 2007: museum ticht
  • 2013: Fan 't Pypke oant en mei de Roggemolensteeg

It Pottebakkershûs tsjinoer it museum hat in útstalling oer de Warkumske pottebakkers.
It museum is yn de wintermoannen ticht.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: