Molly Ephraim

Ut Wikipedy
Jump to navigation Jump to search
Molly Ephraim
Filmklapper.png akteur
Molly Ephraim 2012 (bysnien).jpg
persoanlike bysûnderheden
echte namme Molly Ephraim
nasjonaliteit Flag of the United States.svg Amerikaansk
berne 22 maaie 1986
berteplak Philadelphia (Pennsylvania)
etnisiteit Flag of Israel.svg Joadsk
jierren aktyf 2002 – no
offisjele webside
gjint

Molly Ephraim (Philadelphia, 22 maaie 1986) is in Amerikaansk toaniel-, musical-, film- en tillefyzje-aktrise fan Joadsk komôf. Hja is it bekendst wurden mei har rollen yn 'e films College Road Trip, út 2008, Paranormal Activity 2 (2010) en Paranormal Activity: The Marked Ones (2014), en yn 'e komeedzjesearje Last Man Standing (fanôf 2011).

Libben en karriêre[bewurkje seksje | boarne bewurkje]

Ephraim waard yn 1986 berne yn Philadelphia, yn 'e steat Pennsylvania, as de dochter fan William Ephraim en Nina Zebooker. Hja groeide op yn Bucks County, op it plattelân fan Pennsylvania. As bern trede se al op yn it Bucks County Playhouse, en as tiner die se mei oan profesjonele toanielproduksjes yn it Prince Music Theater en by de Arden Theatre Company yn Philadelphia. Ephraim studearre en behelle in bachelorstitel yn religy oan 'e Universtiteit fan Princeton, yn Princeton. Under har stúdzjetiid spile se mei en goreografearre se ferskate optredens fan 'e Princeton University Players en fan Theatre Intime.

Yn 2002 makke Ephraim har debút op Broadway, as Readkapke yn 'e revival fan Into the Woods. Foar dy rol waard se nominearre foar in Drama League Award. Yn 2004 spile se wer op Broadway, diskear yn in revival fan Fiddler on the Roof, as Bielke. Ek hat se Anne Frank spile yn it stik The Diary of Anne Frank, yn it Westport Country Playhouse yn Westport yn 'e steat Konnetikut.

Yn 2008 spile Ephraim har earste filmrol yn College Road Trip, as Wendy Greenhut. Datselde jiers wie se ek foar it earst op 'e tillefyzje te sjen, mei in gastrol yn in ôflevering fan 'e plysjesearje Law & Order. Fierders spile hja Ali Rey yn 'e films Paranormal Activity 2 (2010) en Paranormal Activity: The Marked Ones (2014), en yn 2009 wie hja te sjen yn 'e ôflevering It's Like Jamais Vu All Over Again fan 'e rige Royal Pains. Fanôf 2011 hie Ephraim in fêste rol as de middelste dochter Mandy Baxter yn 'e komeedzjesearje Last Man Standing. Dy searje rûn ynearsten oant en mei 2016, mar doe't er yn 2018 fannijs opstart waard, keas Ephraim derfoar om net as Mandy Baxter werom te kearen. Har rol waard doe oernommen troch Molly McCook.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.