Miss Fryslân
De Miss Fryslân-ferkiezings wurde elke neisimmer hâlden. In jonge frou wurdt hjirby keazen ta moaiste frou fan Fryslân. De titel mei hja ien jier hâlde, dan draacht se de titel oer oan de nije winnaresse. Se docht dêrnei mei oan de Miss Nederlân ferkiezings en dêrnei mooglik nei de Miss Universe ferfiezings. De ferkiezings besteane al sûnt de jierren tritich fan de foarige iuw. Sûnt 1989 binne ûnder de namme Miss Nederlân de ferkiezing oars opsetten. Miss Nederlân is fan dan ôf net allinnich in jonge moaie ferskining, mar benammen in frou dy't mei beide fuotten op de grûn stiet en maatskiplik belutsen is.
Der besteane ek oare Missferkiezings, lykas dy fan it wykblêd Panorama of it Nederlânsk buro foar toerisme (Miss Tulip).
Yn 2011 kaam der wer in Miss Fryslân ferkiezing as foarronde fan Miss Nederlân. Dielnimsters moatte tusken de 18 en 27 jier âld wêze, net troud (west hawwe) en ek gjin bern hawwe. Fieders moatte se in Nederlânsk paspoart hawwe en yntelligint, spontaan en moai wêze.
- 2011
De tolve selektearre kandidaten rûnen yn maaie de finale trije ferskillende moadeshows. Ien yn frijetiidsklean, ien yn bikiny en de tradisjonele show yn galajurk. Winnaresse waard de 18-jierrige Mary-Anne Kammeron fan It Hearrenfean. Anne is berne yn Rotterdam, mar kaam al as pjut nei Fryslân, dat sy praat floeiend Frysk. Mary-Anne studearre oan de Stenden Hegeskoalle, Media en Entertainment Management. Der ûntstie wat argewaasje oer har relaasje mei Fryslân omt se as bern fan Surinaamske âlden yn Rotterdam berne is.
- 2012
De 12 kandidaten fan de Miss Fryslânferkiezing moasten yn de foarronde sjen litte oft se ek sportyf binne. De froulju diene mei oan in bootcamp. Dat hâldt yn dat se bûtendoar ferskate sportaktiviteiten dwaan moasten, lykas kanofarre. By de ferkiezings giet it net inkeld om it uterlik, mar der wurdt ek sjoen oft se trochsettingsfermogen hawwe. De ferkiezing is wer yn maaie.
Miss Fryslân[bewurkje seksje | boarne bewurkje]
| Jier | Miss Fryslân | Wenplak |
|---|---|---|
| 2012 | Shirley Wijngaarden | Ljouwert |
| 2011 | Mary-Anne Kameron | It Hearrenfean |
| 2008 | Bouktje Boerma | Haulerwyk |
| 2007 | Marijke de Vries | Warns |
| 2006 | Elise Koster | Toppenhuzen |
| 2004 | Anna Marie Hendriks | Maastricht |
| 2003 | Margriet Landman | Wolvegea |
| 2002 | Nadine de Vries | It Hearrenfean |
| 2001 | Reina van der Horst | Snits |
| 2000 | Dorien Reineman | Ljouwert |
| 1998 | Marleyne van Dorp | |
| 1997 | Nadine Ben Moussa | |
| 1996 | Gerry Sipma | |
| 1995 | Ingrid Swieringa | |
| 1994 | Brigitte Angelique ten Brink | |
| 1993 | Hilda van der Meulen | Aldskoat |
| Boarnen, noaten en/as referinsjes: |