Wytstreke tangare
| Wytstreke tangare | ||||||||||||
|---|---|---|---|---|---|---|---|---|---|---|---|---|
 | ||||||||||||
| taksonomy | ||||||||||||
| ||||||||||||
| soarte | ||||||||||||
| Melanodera melanodera | ||||||||||||
| (Quoy & Gaimard, 1824) | ||||||||||||
 net bedrige
| ||||||||||||
| ferspriedingsgebiet | ||||||||||||
 |
De wytstreke tangare (Melanodera melanodera) is in fûgel fan it skaai Melanodera út 'e famylje tangarefûgels (Thraupidae).
Beskriuwing
[bewurkje seksje | boarne bewurkje]De soarte is in finkeftige tangare. It mantsje is ûnderskiedend troch in swarte kiel mei wite rânen. De wjuk- en sturtfearren ha giele seamen. Fûgels op it Súd-Amerikaanske fêstelân hawwe heldere swevelgiele wjukken, dat sichtber is yn 'e flecht, wylst dy fan 'e fûgels op 'e Falklâneilannen doffer binne. It wyfke is oeral streke en is it bêste te identifisearjen troch it biotoop en de oanwêzigens fan mantsjes en de giele rânen fan 'e wjuk- en sturtfearren. It wyfke hat in soad fan 'e wyfkes fan 'e blaugrize tangare en de giele leietangare.
Fersprieding
[bewurkje seksje | boarne bewurkje]De fûgel is yn twa ûndersoarten te ferdielen:
- Melanodera princtoniana – komt foar yn 'e llanos fan súdlik Sily en súdlik Argentynje oant Tierra del Fuego.
- Melanodera melanodera – komt foar op 'e Falklâneilannen.
De fûgel is seldsum en lokaal en libbet op 'e gersflaktes fan Patagoanje. Lokaal is de fûgel algemien op 'e heidefjilden fan 'e Falklâneilannen. Se wurde (meast winterdeis) ek waarnommen yn 'e sândúnen fan 'e kust. De fûgel libbet yn pearkes of lytse groepkes en siket it iten op 'e grûn.
Systematyk
[bewurkje seksje | boarne bewurkje]Lykas oare finkeftige tangaren waard dizze soarte earder yn 'e famylje Emberizidae set. Ut genetyske stúdzjes hat bliken dien dat de soarte diel útmakket fan 'e tangaren.
Status
[bewurkje seksje | boarne bewurkje]De fûgel hat in grut ferspriedingsgebiet. Oannommen wurdt dat de soarte op it fêstelân ôfnimt, wylst de populaasje op 'e Falklâneilannen groeit. Dêrom wurdt de fûgel troch de IUCN as net bedrige (LC) klassifiseare.
| Boarnen, noaten en/as referinsjes: | ||
|
