May Thai

Ut Wikipedy
Jump to navigation Jump to search
May Thai
Happy feet.svg persoan yn de seksyndustry
May Thai.jpg
persoanlike bysûnderheden
oare artyste-
       nammen
Mai Thai, Ayshana
echte namme ûnbekend
nasjonaliteit Flag of Italy.svg Italjaansk
berne 24 desimber 1997
berteplak Triëst (Itaalje)
etnisiteit Flag of Thailand.svg Taisk
wurkpaad
wurksum as neakenmodel, pornoaktrise
jierren aktyf 2016 – no
offisjele webside
n.f.t.

May Thai, echte namme ûnbekend (Triëst, 24 desimber 1997), is in Italjaansk neakenmodel en pornografysk aktrise fan etnysk Taisk komôf. Hja hat yn it ferline ek wol gebrûk makke fan 'e skûlnamme Ayshana, wylst har gongbere artystenamme wol misstavere wurdt as Mai Thai. Hja sette yn 2016 útein mei in wurkpaad yn 'e Jeropeeske pornoyndustry en spile yn frijwat films.

Libben en karriêre[bewurkje seksje | boarne bewurkje]

May Thai waard yn 1997 berne yn 'e Noarditaljaanske stêd Triëst,[1] út etnysk Taiske âlden. Yn 2016, doe't se 19 jier wie, makke se har debút yn in pornografyske film. Neffens de Internet Adult Film Database (IAFD) hie se tsjin begjin 2019 yn 44 films spile, hoewol't dêrby oantekene wurde moat dat de IAFD in Amerikaanske database is, dy't inkeld bûtenlânske films opnimt ynsafier't dy't yn 'e Feriene Steaten útbrocht binne.

Thai is benammen aktyf yn 'e Jeropeeske pornoyndustry, en hat benammen wurke foar LegalPorno.com, in pornowebside op it ynternet. Dêrnjonken hat se sporadysk ek warber west foar sokke foaroansteande Amerikaanske labels as Wicked Pictures en Evil Angel, foar it Kanadeeske Mile High Media en foar de Amerikaanske pornowebside Reality Kings. Under har karriêre hat Thai gearwurke mei kollega-aktrises as Jureka del Mar en mei manlike tsjinspilers as Brandon Iron en Rocco Siffredi.

Lichemsskaaimerken[bewurkje seksje | boarne bewurkje]

May Thai is mongolide, mei brune eagen en swart hier, dat lykwols troch fervjen of miskien ferkleuring troch de sinne gauris brún liket. Neffens har offisjele opjefte is se 1.60 m lang, mei in gewicht fan 52 kg, en in natuerlike kupmaat 34B. Thai hat gjin tatoeaazjes. Behalven de wenstige gatsjes troch de earlellen hat se inkeld in piercing troch de hûd fuort boppe de skamstreek.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Biografyske gegevens fan May Thai op FreeOnes