Mauritsiusral
| Mauritsiusral | ||||||||||||
|---|---|---|---|---|---|---|---|---|---|---|---|---|
| ||||||||||||
| taksonomy | ||||||||||||
| ||||||||||||
| soarte | ||||||||||||
| † Aphanapteryx bonasia | ||||||||||||
| De Selys Longchamps, 1848 | ||||||||||||
| útstoarn, ± 1700 | ||||||||||||
| ferspriedingsgebiet | ||||||||||||
|
De Mauritsiusral of de reade ral (Aphanapteryx bonasia) is in útstoarne fûgelsoarte fan it Maskareenske eilân Mauritsius, east fan Madagaskar yn 'e Yndyske Oseaan. De fûgel wie endemysk op it eilân en nau besibbe oan 'e ek útstoarne Rodriguesral (Erythromachus leguati). Somtiden wurde beide fûgels fan itselde skaai beskôge, mar harren relaasje mei oare ralfûgels bliuwt ûndúdlik. Rallen ferlieze faak it fermogen om te fleane as se op isolearre eilannen libje dêr't se gjin lêst fan predators ha, lykas dat ek it gefal foar dizze soarte wie.
Beskriuwing
[bewurkje seksje | boarne bewurkje]
De Mauritsiusral wie wat grutter as in pyk en hie in readeftich fearrekleed. Syn fearren liken op hier. Fierder hie de fûgel donkere poaten en in lange, bôge snaffel. Syn wjukken wiene lyts en de poaten wiene foar syn formaat slank. De Mauritsiusral like in soad op 'e Rodriguesral, mar hy wie grutter en hie relatyf koartere wjukken. Wat oansjen en gedrach oanbelanget waard de fûgel mei in kiwy (Apteryx) of in ralkraan (Aramus guarauna) ferlikene.
Iten
[bewurkje seksje | boarne bewurkje]Oannommen wurdt dat de fûgel wringeleaze dierkes iet en der binne skansearre slakkehûzen fûn, dy't oerienkamen mei in oanfal fan syn snaffel.
Utstjerren
[bewurkje seksje | boarne bewurkje]De kleur read oefene in grutte oantrekkingskrêft op 'e fûgels út en minsken makken dêr gebrûk fan troch mei reade lapen de fûgels te lokken. Sadree't de fûgels tichteby kamen waarden se mei stokken deaslein. De fûgel wie eartiids allinne bekend út beskriuwingen en 17e-iuwske yllustraasjes, oant yn 'e jierren 1860 subfossilen fûn waarden. Ynearsten waard tocht dat dy ferskillende soarten fertsjintwurdigen, itjinge late ta in grut oantal ûnjildige junior synonimen. Der is ek suggerearre dat alle 17e-iuwske ferslaggen fan 'e dodo yn feite op 'e reade ral sloegen nei't dy earste al útstoarn wie.
De lêste fermelding fan in waarnimming fan 'e Mauritsiusral is fan 1693 en der wurdt oannommen dat de fûgel om 1700 hinne útstoar. De oarsaak wie de jacht fan minsken en de yntrodusearre bisten.
| Boarnen, noaten en/as referinsjes: | ||
|
Sjoch foar boarnen en referinsjes: en:Red rail
|
