Martinytsjerke (Koudum)

Ut Wikipedy
Springe nei navigaasje Springe nei sykjen
De Martinytsjerke fan Koudum

De Martinytsjerke is in tsjerke yn Koudum yn de provinsje Fryslân.

Beskriuwing[bewurkje seksje | boarne bewurkje]

De hjoeddeistige tsjerke moat op syn minst de fjirde tsjerke west ha dy't op dat plak boud is en waard yn 1857 boud as opfolger fan in achtkantige koepeltsjerke. Dy eardere koepeltsjerke hat mar in 25 jier op syn stee stien en kaam destiids yn it plak foar in krústsjerke dy't 16 iuwske kenmerken hie. Ek dy tsjerke hie wer in foargonger, nei alle gedachten stie der yn de iere midsiuwen al in tsjerke op dat plak. By de bou fan de hjoeddeistige tsjerke yn 1857 kaam der in sarkofaach út de 11e iuw oan it ljocht, dy't op dit stuit bewarre wurdt yn Jannum. De tsjerke hat oarspronklik wijd west oan de hillige Martinus fan Tours.

Oargel

Yn de tsjerke is noch in tinkboerd dat heucht oan de bluodderige Spaanke oerfal yn Koudum fan 1586. De krústjerke krige tusken 1614 en 1617 in grutte toer en tusken 1645 en 1655 krige de tsjerke in nij ynterieur. In part fan it koperwurk waard makke yn Amsterdam. Yn de foet fan de preekstoel fan de tsjerke binne wapens úthoud fan de doetiidske grytman Johan fan Aylva en syn frou Katarina fan Walta. De bylden dy't op it oargel te finen binne, binne yn de 19e iuw oankocht fan in tsjerke yn Starum.

De tsjerke is no oansletten by de Protestantske Tsjerke yn Nederlân. Yn 2009 hat der in grutte renovaasje west fan it ynterieur. De tsjerke is te besjen op fêststelde tiden.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: