Marsellus II

Marsellus II
kristlik lieder
Paus Marsellus II
amt en titulatuer
tsjerke	Roomsk-Katolike Tsjerke
bisdom	bisdom Rome
sit	Hillige Sit
amtsperioade	1555
foargonger	Julius III
opfolger	Paulus IV
wurkpaad
biskopswijing	april 1555
kardinaal	19 desimber 1539
persoanlike bysûnderheden
bertenamme	Marcello Cervini
nasjonaliteit	Italjaansk
bertedatum	6 maaie 1501
berteplak	Montepulciano
stjerdatum	1 maaie 1555
stjerplak	Rome

Paus Marsellus II, bêrne as Marcello Cervini (Montepulciano, 6 maaie 1501 – Rome, 1 maaie 1555) wie de 222ste paus fan de Roomsk-Katolike Tsjerke. Syn pontifikaat duorre 22 dagen, fan 9 april oant 1 maaie 1555.

Marcellus studearre oan de universiteit fan Siena arsjitektuer, astronomy en wiskunde. Hy waard op 19 desimber 1539 troch paus Paulus III ta kardinaal kreëarre. Hy wie dêrfoar al biskop fan Nicastro. Hy waard lykwols pas ta biskop wijd nei syn pausferkiezing. Fanwegen syn oplieding waard Marcello Corvini bibliotekaris fan de Fatikaanske Biblioteek. Fan 1545 ôf die er mei oan it Konsily fan Trente; hy fungearre as ien fan de foarsitters.

Syn namme is ûnskiedber ferbûn oan de Missa Papae Marcelli, dy't Giovanni Pierluigi da Palestrina ta eare fan Marsellus II komponearre hawwe soe. Marsellus II wie de omke fan Robertus Bellarminus dy't yn 1930 hillich ferklearre waard.

Trochdat Marsellus II al sa betiid nei syn ferkiezing stoar, heart syn pausskip ta de koartste tsien pontifikaten yn de skiednis fan it pausdom.

Boarnen, noaten en referinsjes

Boarnen, noaten en/as referinsjes:

Wikipedy:NL Wikipedy:DE Commons Wikimedia Commons  Ofbylden dy't by dit ûnderwerp hearre, binne te finen yn de kategory Marsellus II fan Wikimedia Commons.