Marijetsjerke (Wierum)

Ut Wikipedy
Jump to navigation Jump to search
Marijetsjerke fan Wierum (2010)

De Marijetsjerke fan Wierum is in oarspronklik omtrint 1200 boude tsjerke yn Wierum. Fan de oarspronklike tsjerke is allinnich de sealdaktoer oer en de westside. It skip en it koar waarden yn 1912 ferfongen troch nijbou.

Skiednis[bewurkje seksje | boarne bewurkje]

De tsjerketoer fan Wierum mei in wynfaan yn de foarm fan in aak

De oarspronklike tsjerke waard ± 1200 boud op in terp yn'e midden fan it doarp. Troch oerstreamingen is de noardside fan it doarp yn de see ferdwûn en kaam de tsjerke oan de râne fan it doarp te lizzen, tsjin de seedyk oan. De tsjerke waard yn 1912 foar it grutste part fernijd. Skip en koar waarden ferfongen. De âlde toer en de westside - in redusearre westwurk - fan de tsjerke bleaune sparre. Ek in soad ferwulften en rûnbôgige trochgongen fan de âlde tsjerke binne bewarre bleaun.

De gedieltlik fan dowestien boude toer hat in wynwizer yn de foarm fan in aak, in skip dat troch de pleatslike fiskers eartiids in soad brûkt waard. De geveltoppen fan de toer komme út 1819. Tichtby de tsjerke stiet ek in stânbyld fan in wjirmdolster. It byld bringt de tiid fan de seefiskerij te binnen, doe't froulju fan it doarp seewjirms sochten op it waad foar de fiskfangst.

De tsjerketoer is erkend as in ryksmonumint.

Boarnen, noaten en referinsjes[boarne bewurkje]

Boarnen, noaten en/as referinsjes: