Mantsjoerijske woffer

Mantsjoerijske woffer
Wyfke
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift pilekaaneftigen (Pelecaniformes) famylje reagerfûgels (Ardeidae) skaai reiddompen (Botaurus)
soarte
Botaurus eurhythmus
Swinhoe, 1873
IUCN-status: hast bedrige
ferspriedingsgebiet
briedfûgel      wintergast

De Mantsjoerijske woffer (Botaurus eurhythmus, synonym: Ixobrychus eurhythmus) is in Aziatyske fûgel út 'e famylje fan 'e reagerfûgels.

Ferskining

De Mantsjoerijske woffer is in lytse reager fan sa'n 33 oant 39 sm lang. Yn it briedkleed hat it mantsje in opfallende kastanjebrune rêch en nekke, wylst it wyfke mear donkerbrún oant rustbrún is mei minder kleurkontrast. Beide seksen ha in ljochtere búk. Yn it winterkleed wurde de kleuren wat doffer en minder kontrastryk; de kastanjebrune toanen by it mantsje kinne minder sterk útkomme.

De snaffel is giel oant gielgrien en de poaten binne ek giel. Jongfûgels hawwe in bûnt brunich fearrekleed, dat de fûgels yn it reid in goede kamûflaazje biedt. Der is ek bûten it briedkleed seksuëel dimorfisme: it mantsje is faak wat sterker kleure as it wyfke.

Fersprieding

De Mantsjoerijske woffer briedt yn it easten fan Sina, it súdeasten fan Sibearje, it noarden fan Koreä en yn Japan. De oerwinteringsgebieten lizze yn it suden fan Sina en yn Tailân, Maleizje, Yndoneezje en op 'e Filipinen. Se komme fral foar yn 'e reidseames en tusken begroeiïng fan wiete gebieten.

Hâlden en dragen

Nêst.

De fûgel is ier yn 'e moarn en by skimerjûn aktyf. Hy foerazjearret op lytse fisken, kikkerts, kreeften en ynsekten. It nêst wurdt yn it tichte reid op, of tichte by de grûn boud. De trije oant seis aaien wurde yn 16 oant 18 dagen útbret.

Status

Yn it ferspriedingsgebiet fan 'e soarte ferdwine reid- en wiete gebieten jimmeroan faker om romte te meitsjen foar lânbou en stêdebou. De fûgel is yn guon regio's noch wol te finen, mar net yn grutte oantallen. Se binne net algemien en de fûgel wurdt troch de IUCN as hast bedrige (NT) klassifisearre.

Boarnen, noaten en/as referinsjes:

BirdLife, oproppen 23 febrewaris 2026. Birds of the World, oproppen 23 febrewaris 2026. Ebird, oproppen, 23 febrewaris 2026. Commons Wikimedia Commons  Ofbylden dy't by dit ûnderwerp hearre, binne te finen yn de kategory Mantsjoerijske woffer fan Wikimedia Commons.