Malachytiisfûgel

Malachytiisfûgel
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai Afrikaanske iisfûgels (Corythornis)
soarte
Corythornis leucogaster
Pallas, 1764
IUCN-status: net bedrige

De Malachytiisfûgel (Corythornis cristatus; synonym: Alcedo cristata) is in iisfûgelsoarte út Afrika.

Beskriuwing

Fûgel út it Marievale Nature Reserve, Gauteng, Súd-Afrika.

Malachyiisfûgels wurde trochstrings 13 sm lang en weagje 12 oant 19 gram. Op 'e kroan sitte lange, grienblau mei swarte fearkes, dy't in túfke foarmje. Under it each oant op it boarst is de iisfûgel oranje oant readbrún. Op it kin is in wyt plakje en ek op 'e nekke sit in wyt plak. It bealchje is boppe glânzgjend ultramarynblau. Folwoeksen fûgels ha reade poaten en in reade snaffel. Juvenilen binne doffer en ha in donkere snaffel en poaten.

Fersprieding

De soarte libbet yn in grut part fan Afrika súd fan 'e Sahara oant in hichte fan 3000 m. It biotoop bestiet út in grut oantal lânskippen mei ryklik begroeid wetter, lykas sompen, dobben, beken, rivieren en mûningen fan rivieren, mangroves en oare wettergebieten mei genôch begroeiïng.

Undersoarten

Der wurde fiif ûndersoarten erkend:

• C. c. galeritus: (Senegal oant East-Afrika en fierder oant Noard-Angoala en Malawy)
• C. c. nais: (Prinsipe)
• C. c. thomensis: (Sao Tomee)
• C. c. cristatus: Súd-Angoala oant Súd-Mozambyk en it easten fan Súd-Afrika)
• C. c. stuartkeithi: (Sûdan en Etioopje)

Hâlden en dragen

De fûgel jaget op wetterdierkes lykas kreefteftigen, kikkerts, lytse fisken, wetterynsekten en larven fan libellen. Ek wurdt der op imerkes en hagedissen jage.

Yn 'e briedtiid siket de fûgel steile iggen oan wetterkanten op, dêr't it nêst boud wurdt.

Status

Der binne gjin rûzings oer de grutte fan 'e populaasje fan 'e soarte. Se ha in grut ferspriedingsgebiet en binne net seldsum. Der bestiet ek gjin oanlieding om te tinken dat de soarte tebekrint yn oantal. Dêrfandinne wurdt de fûgel troch de IUCN op 'e Reade list as net bedrige klassifisearre.

Boarnen, noaten en referinsjes

Boarnen, noaten en/as referinsjes:

Birdlife Ebird Commons Wikimedia Commons  Ofbylden dy't by dit ûnderwerp hearre, binne te finen yn de kategory Malachytiisfûgel fan Wikimedia Commons.