Mabton (Washington)

Ut Wikipedy
Jump to navigation Jump to search
Mabton
Yakima County Washington Incorporated and Unincorporated areas Mabton Highlighted.svg
Sifers
Ynwennertal 2286 (2010)
Oerflak 2,07 km²
Befolkingstichtens 1103,3 / km²
Hichte 218 m
Polityk
Lân Feriene Steaten
Steat Washington.
County Yakima County
Oar
Stifting 1884
Tiidsône Pacific (PST) UTC-8
Simmertiid UTC-7
Webside cityofmabton.com
Haadstrjitte (Mainstreet) fan Mabton

Mabton is in plak (city) yn Yakima County, yn de steat Washington, Feriene Steaten. It hat neffens de folkstelling fan 2010 in ynwennertal fan 2286. It leit sa'n 60 km súdeastlik fan Yakima en leit oan'e east râne fan de Yakama Yndianereservaat.

Skiednis[bewurkje seksje | boarne bewurkje]

Mabton's earste bewenners wiene de Yakama yndianen. Hja waarden twongen yn in reservaat yn 1855. Yn 1884 wie it begjin fan Mabton. It Noard Pasikysk Spoar (Northern Pacific Railway) boude hjir it spoar lâns en op it plak fan Mabton waard in wettertoer en in stasjontsje boud.
Yn 1892 kaam Sam P. Flower en boude in winkel en warehûs. Hy waard de earste postrinner. In Sweedske spoararbeider, Charlie Sandburg hat de namme oan it plak jûn. Hy neamde it earst Mabletown, mar it waard letter feroare ta Mabton. Yn 1895 wiene der yn Mabton al ferskate winkels, in hotel, in spoaropslachskuorre en in skoalle. De plattegrûn waard ûntwurpen yn 1902 en yn 1904 wiene der al mear as 10 saken en in krante. Ek bordelen wiene yn it plak te finen. Op 7 novimber 1905 waard de gemeente foarme en Mabton waard in town.
In grutte brân hat letter in protte yn it stedsje ferwoaste. Hjoed-de-dei bestiet it grutste part fan de befolking út emigranten fan Meksikaansk komôf dy't benammen wurksum binne yn'e lânbou. Foaral hop en drúven waakse yn de omkriten fan Mabton.

Op 23 desimber 2003 wie it earste BSE-gefal yn de Feriene Steaten op in molkfee bedriuw tichteby Mabton. It wie letter fêstlein dat de ko út Kanada ynfiert wie nei de FS.