Lytse swartwjukljip

lytse swartwjukljip
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift wilstereftigen (Charadriiformes) famylje wilsterfûgels (Charadriidae) skaai ljippen (Vanellus)
soarte
Vanellus lugubris
Lesson, 1826
IUCN-status: net bedrige

De lytse swartwjukljip (Vanellus lugubris) in fûgel yn it skaai ljippen (Vanellus) út 'e famylje wilsterfûgels (Charadriidae). De lytse swartwjukljip waard wittenskiplik beskreaun troch René Primevère Lesson yn 1826. De wittenskiplike soartenamme lugubris betsjut "fertrietlik", fan it Latynske lugere, "treurje".

Ferskining

Lytse swartwjukljippen binne 26 oant 28 sm slanke ljippen. Se ha in soad fan 'e grutte swartwjukljip (Vanellus melanopterus), mar binne lykas de namme seit lytser en slanker en ha langere poaten. Ek ha se in dúdliker markearre, mar lytser wyt plak op 'e foarholle en in smellere swarte boarstbân. Fierder ha se net lykas de grutte swartwjukljip in opfallende reade eachring en yn 'e flecht is it ferskil mei de grutte swartwjukljip dat de lytse swartwjukljip minder swart en mear wyt oan 'e wjukken hat.

Fersprieding en systematyk

De lytse swartwjukljip kom foar op 'e Afrikaanske savannes ûnder de Sahara yn 'e folgjende gebieten:

• súdlik [[Maly;
• benoarden it boskgebiet yn Guinee en Ivoarkust;
• oan 'e kust fan Sierra Leöane en fierder yn dielen oant súdwestlik Nigearia;
• Gabon, it westen fan 'e Demokratyske Republyk Kongo en sintraal-westlik Angoala eastlik nei Kenia en súdlik troch Tanzania, noardeastlik Sambia, Malawy en Mozambyk nei eastlik Súd-Afrika (KwaZulu-Natal)
• eilannen foar de kust fan Tanzania (Pemba, Zanzibar, Latham en Mafia)
• Ut en troch briedt er ek yn Senegal. Bûten it briedseizoen wurdt de soarte yn it suden fan Somaalje waaarnommen.

De soarte wurdt as monotypysk behannele, wat sizze wol dat der gjin ferdieling yn ûndersoarten is. Earder is de soarte ek yn it skaai Hoplopterus of Stephanibyx set. De fûgel is nau besibbe oan 'e grutte swartwjukljip, mar ferskilt yn uterlik en hâlden en dragen.

Hâlden en dragen

De fûgel wurdt yn drûch, iepen lânskip oantroffen en yt lytse wringeleazen lykas ynsekten en harren larven, benammen krobben, mar ek gerssied. It is registrearre dat er ek nachts foerazjearret. It briedseizoen fan 'e fûgel ferskilt sterk tusken de geografyske gebieten.

Status

It ferspriedingsgebiet is relatyf grut en der is gjin sicht op 'e trend fan 'e populaasje. De Ynternasjonale Uny foar it Behâld fan 'e Natuer (IUCN) beskôget de fûgel as net bedrige (Least Concern).

Boarnen, noaten en/as referinsjes:

BirdLife, oproppen 28 desimber 2025. Ebird, oproppen 28 desimber 2025. Avibase, oproppen 28 desimber 2025. Commons Wikimedia Commons  Ofbylden dy't by dit ûnderwerp hearre, binne te finen yn de kategory lytse swartwjukljip fan Wikimedia Commons.