Loon op Zand (gemeente)

Lân	Nederlân
Provinsje	Noard-Brabân
Haadplak	Kaatsheuvel
Oerflak	50,71 km²
• dêrfan lân	49,92 km²
• dêrfan wetter	0,80, km²
Ynwennertal	23.872 (1 jannewaris 2024)
Befolkingstichtens	484 ynw./km²
Oprjochte	1811
Ferkearsier(en)
Netnûmer(s)	013, 0416
Postkoade(s)	5170-5176
	www.loonopzand.nl

Loon op Zand

Loon op Zand is in gemeente yn 'e Nederlânske provinsje Noard-Brabân. De gemeente bestiet ut trije sintra: Kaatsheuvel, Loon op Zand en De Moer. Loon op Zand joech de namme oan 'e gemeente, mar om 't Kaatsheuvel it grutste plak is, stiet dêr it gemeentehûs.

Gebiet

De gemeente hat in oerflak fan 50,71 km². De gemeente hie op 22 novimber 2024 23.850 ynwenners.

Kaatsheuvel hat tusken de 16.000 en 17.000 ynwenners.
Loon op Zand hat tusken de 6.000 en 7.000 ynwenners.
De Moer hat likernôch 600 ynwenners.

Ekonomy en toerisme

Tradisjoneel foarmet de produksje fan skuon in wichtige yndustry yn 'e gemeente. Dy yndustry ferhûze lykwols yn 'e rin fan 'e tiid nei it suden fan Europa fanwegen de legere arbeidskosten dêr. Fan 'e doetiidske yndustry binne der noch wol in oantal monuminten bewarre bleaun.

Toerisme is hieltyd wichtiger woarn yn 'e gemeente. Njonken De Efteling yn Kaatsheuvel lûkt de gemeente ek toeristen mei de natuergebieten fan Nasjonaal Park De Loonse en Drunense Duinen, it lângoed Plantloon yn Kaatsheuvel en it natoergebiet Huis ter Heide.