Lonnig

Lonnig
Sint-Jakobustsjerke
Emblemen
Bestjoer
Lân	Dútslân
dielsteat	Rynlân-Palts
lânkring	Mayen-Koblenz
ferbânsgemeente	Maifeld
Sifers
Ynwennertal	1.213 (31.12.2024)
Oerflak	5,5 km²
Hichte	260 m
Oar
Postkoade	56295
Koördinaten	50°18' N 7°21' E
Offisjele webside
www.lonnig.de
Kaart

Lonnig is in plak yn 'e lânkring Mayen-Koblenz yn 'e Dútske dielsteat Rynlân-Palts. Lonnig leit yn 'e ferbânsgemeente Maifeld.

Jakobustsjerke

It meast opfallende bouwurk fan it doarp is de hege toer fan 'e Sint-Jakobustsjerke, dy't yn 'e 13e iuw yn Rynlânske oergongsstyl boud waard. It is in eardere kleastertsjerke fan in hearemitemienskip fan froulju en manlju. Tusken 1119 en 1123 slette de mienskip him by it Augustynske koarhearestift fan Springiersbach oan. De manlike mienskip bleau ynearsten noch yn Lonnig, mar ferhûze yn 1326 lang om let nei Mayen. De hearemyt en lettere abt Liudolf hie ynfloed op Norbertus fan Gennep.

Oan 'e westlike kant slette eartiids in rûne tsjerke oan, ien fan seldsume rûne tsjerken yn it Rynlân. Dy tsjerke baarnde ôf en waard oant yn 'e 19e iuw as stiengroeve brûkt. De arsjitekt Johann Claudius von Lassaulx fergrutte yn 'e 19e iuw it noch besteande travee tusken de (ferneatige) rûne tsjerke en it noch yntakte koer en yntegrearre dat koer yn 'e nijbou. Fan 'e twa tuorren is allinnich de noardlike toer foltôge, wylst in twadde súdlike toer nea foltôge waard.

Boarnen, noaten en/as referinsjes:

www.klosterlexikon-rlp.de Commons Wikimedia Commons  Ofbylden dy't by dit ûnderwerp hearre, binne te finen yn de kategory Lonnig fan Wikimedia Commons.