Livius fan Scheltinga (1632-1670)

	Livius fan Scheltinga (1632-1670)
	politikus
	Hantekening Livius van Scheltinga
nasjonaliteit	Nederlânsk
bertedatum	4 augustus 1632
berteplak	Ljouwert
stjerdatum	16 juny 1670
stjerplak	Bûtenpost
etnisiteit	Frysk
	Grytman fan Achtkarspelen
amtsperioade	1653-1670
foargonger	Livius Boelens
opfolger	Tsjerk Boelens
	Folmacht op de Lândei
amtsperioade	1653-1670
	Kommittearre fan de Generaliteitsrekkenkeamer
amtsperioade	1654-1655, 1658-1661
	Kommittearre fan de Ried fan Steat
amtsperioade	1661-1668

Livius fan Scheltinga of Lieuwe fan Scheltinga (Ljouwert, 4 augustus 1632 - Bûtenpost, 16 juny 1670) wie in Frysk bestjoerder.

Biografy

Fan Scheltinga wie in soan fan Livius fan Scheltinga (sa'n 1589-1650), kurator fan de Akademy te Frjentsjer en sekretaris fan de Rekkenkeamer en fan de Steaten fan Fryslân, en Anna de Blocq (1593-1666). Livius wie lid fan de famylje Fan Scheltinga. Syn broer, Daniël de Blocq fan Scheltinga, wie grytman fan Skoatterlân. Livius waard yn Ljouwert as Lieuwe doopt op 27 july 1656. ^[1]

Fan Scheltinga folge Livius Boelens yn 1653 op as grytman fan Achtkarspelen. Fan dat jier ôf kaam er ek op as Folmacht foar de lândei út namme fan Achtkarspelen. .^[2] Oare amten dy't Fan Scheltinga besette, wiene kommittearre fan de Generaliteitsrekkenkeamer en kommittearre fan de Ried fan Steat. ^[3] Yn Bûtenpost bewenne de famylje Fan Scheltinga de Scheltingastate, dêr't fierder net folle oer bekend is. ^[4]

Nei syn ferstjerren yn 1670 waard Fan Scheltinga as grytman fan Achtkarspelen opfolge troch Tsjerk Boelens.

Houlik en bern

Livius boaske yn 1654 yn Stiens mei Wisck fan Kinnema (1633-1668), dochter fan Cornelius van Kinnema, advokaat en letter riedshear oan it Hof fan Fryslân, en Romckjen Fockens. It pear krige acht bern, ûnder oaren:

Livius van Scheltinga (1655-1699), troude mei Sophia Catharina Broersma, in dochter fan Gajus Botnia fan Broersma, sekretaris fan Kollumerlân en Nijkrúslân.
Martinus fan Scheltinga (1656-1726), troude mei Jetske Wisckia Broersma, in dochter fan Gajus Botnia fan Broersma, sekretaris fan Kollumerlân en Nijkrúslân.
Eritia van Scheltinga, boaske oan Hessel fan Sminia, sekretaris fan de Rekkenkeamer en ried by de Admiraliteit yn it Noarderkertier.
Anna fan Scheltinga (1665-1726), troude mei Aulus fan Haersma (1670-1717), grytman fan Smellingerlân.^[5]
Romelia fan Scheltinga (1668-1702), troude mei Eelco fan Haersma, grytman fan Achtkarspelen.^[5]

Roubuorden

Rouboerd fan Livius fan Scheltinga út 1670 yn de Marijetsjerke yn Bûtenpost.
Rouboerd fan Wisck fan Kinnema út 1668 yn de tsjerke fan Bûtenpost.
Hearebank mei it alliânsjewapen Fan Scheltinga-Van Kinnema.

Sjoch ek

List fan grytmannen fan Achtkarspelen

Boarnen, noaten en referinsjes

Boarnen, noaten en/as referinsjes:

↑ Vries, O., Hempenius-van Dijk, B.S., Nieuwland, P. & Baks, P. (1999). De Heeren van den Raede. Biografieën en groepsportret van de raadsheren van het Hof van Friesland, 1499-1811. Hilversum: Uitgeverij Verloren.
↑ Engels, M.H.H. (2009). Volmachten of Staten van Friesland 1632 t/m 1700 Oostergo. [online] Beskikber fia: Mpaginae.nl. [Sjoen op 14 jannewaris 2024]. Argivearre op 14 jan. 2024.
↑ Kooijmans, M., Ibeling, B.J., Sluijter, R.G.H., Roelevink, J. & Kooijmans, M. (2007). Livius van Scheltinga. [online] Beskikber fia: Resources.huygens.knaw.nl. [Sjoen op 14 jannewaris 2024]. Argivearre op 14 jannewaris 2024.
↑ Plaatselijk Belang Buitenpost (2024). De verdwenen states. [online] Beskikber fia: Binnenbuitenpost.nl. [Rieplachte op 14 jannewaris 2024]. Argivearre op 14 jannewaris 2024.
1 2 Ley, R. van der (1985). Haersma fan Eastermar. Genealogysk Jierboek 1985, ss.58-80.

[vries-1] Vries, O., Hempenius-van Dijk, B.S., Nieuwland, P. & Baks, P. (1999). De Heeren van den Raede. Biografieën en groepsportret van de raadsheren van het Hof van Friesland, 1499-1811. Hilversum: Uitgeverij Verloren.

[2] Engels, M.H.H. (2009). Volmachten of Staten van Friesland 1632 t/m 1700 Oostergo. [online] Beskikber fia: Mpaginae.nl. [Sjoen op 14 jannewaris 2024]. Argivearre op 14 jan. 2024.

[3] Kooijmans, M., Ibeling, B.J., Sluijter, R.G.H., Roelevink, J. & Kooijmans, M. (2007). Livius van Scheltinga. [online] Beskikber fia: Resources.huygens.knaw.nl. [Sjoen op 14 jannewaris 2024]. Argivearre op 14 jannewaris 2024.

[4] Plaatselijk Belang Buitenpost (2024). De verdwenen states. [online] Beskikber fia: Binnenbuitenpost.nl. [Rieplachte op 14 jannewaris 2024]. Argivearre op 14 jannewaris 2024.

[ley-5] 1 2 Ley, R. van der (1985). Haersma fan Eastermar. Genealogysk Jierboek 1985, ss.58-80.

[1]

[2]

[3]

[4]

[5]