Limburchsk Lân- en Túnboubûn

Ut Wikipedy
Limburchsk Lân- en Túnboubûn
Limburgse Land- en Tuinbouwbond
algemiene ynformaasje
ôfkoarting LLTB
nasjonaliteit Nederlânsk
type org. belangeferiening
wurkjouwersorganisaasje
wurkmêd lân- en túnbou
haadkertier Roermond (Limburch)
oprjochte 1896
tal leden 3.600 (2014)
aktyf yn Limburch
offisjele webside
www.lltb.nl

It Limburchsk Lân- en Túnboubûn (Nederlânsk en offisjeel: Limburgse Land- en Tuinbouwbond), gauris ôfkoarte ta LLTB, is in Nederlânske regionale ûndernimmers- en wurkjouwersorganisaasje foar de agraryske sektor en de túnbou.[1] Dizze belangeferiening is aktyf yn 'e provinsje Limburch.[1] Mei LTO Noard en de ZLTO is it ien fan 'e trije regionale dielorganisaasjes fan LTO Nederlân.[2] It haadkantoar fan it LLTB is fêstige yn it eardere Ursulinekleaster en it Lânbouhûs yn Roermond.[1] Yn 2014 makke it LLTB melding fan in "frijwol stabyl" oantal fan 3.600 leden.[3]

Skiednis[bewurkje seksje | boarne bewurkje]

It LLTB waard oprjochte yn 1896[1] en is feitliks it iennichste oerbleaune provinsjale boerebûn yn Nederlân.[4]

Aktiviteiten[bewurkje seksje | boarne bewurkje]

It LLTB fertsjintwurdiget de hiele agraryske sektor yn Limburch, ynklusyf bou, túnbou, boskbou, melkfeehâlderij, skieppehâlderij, geitehâlderij, bargehâlderij, plomfeehâlderij en hynstehâlderij.[1] It LLTB stiet syn leden mei ried en died by op it mêd fan û.m. bistewolwêzen, hygiêne, dongferwurking, bistefieding, arbeidsomstannichheden, lânskipsbehear en it miljeu.[1]

Dêrnjonken is it LLTB ek aktyf op it mêd fan soarchbuorkerijen (fia de Koöperaasje Limburchske Soarchboeren) en it natoerbehear troch boeren (fia Natoerryk Limburch).[1] It agrarysk advysburo Arvalis is in dochterûndernimming fan it LLTB mei fêstigings yn Roermond, Fenlo, Nuth en Deurne.[1]

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. 1,0 1,1 1,2 1,3 1,4 1,5 1,6 1,7 Ynformaasje fan 'e webside fan it LLTB.
  2. Ynformaasje fan 'e webside fan LTO Nederlân
  3. Bron, Jan Cees, Ledenaantal ZLTO sterker afgenomen, yn Boerderij, 10 april 2014.
  4. Broersma, Daniël, Het Groene Front Voorbij: De Agrarische Belangenbehartiging door LTO Nederland (1995-2005), Grins/Wageningen, 2010 (Agronomisch Historisch Instituut/University of Groningen Press), ISBN 978-9 03 67 46 441, haadstik 2 Fusie of Federatie: Het Ontstaan van LTO Nederland.