Prachtglânsstaar

Prachtglânsstaar
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje protterfûgels (Sturnidae) skaai glânsstaren (Lamprotornis)
soarte
Lamprotornis splendidus
Vieillot, 1822
IUCN-status: net bedrige
ferspriedingsgebiet

De prachtglânsstaar of prachtglânsprotter (Lamprotornis splendidus) is in fûgel yn it skaai glânsstaren (Lamprotornis) út de famylje fan 'e protterfûgels (Sturnidae).

Skaaimerken

De 27 oant 30 sm lange fûgel hat in blaugrien glânzgjend fearrekleed mei in pearse kiel en boarst. De soarte hat in brede swarte bân op 'e wjukken en sturt en in krêmwyt each. Jonge fûgels binne doffer en ha in donker each.

Fersprieding

De fûgel komt yn groepkes heech yn 'e beammen, gallerijbosken en groepen beammen op savannes. Se wurde ek op lânbougrûn en yn tunen waarnommen. Grutte groepen wurde waarnommen yn fruitbeammen.

• Lamprotornis splendidus chrysonotis – komt foar fan Senegal en Gambia oant Togo.
• Lamprotornis splendidus splendidus – komt foar fan it suden fan Benyn oant noardwestlik Angoala, Etioopje en Sambia.
• Lamprotornis splendidus lessoni – komt foar op Bioko (Golf fan Guinee).
• Lamprotornis splendidus bailundensis – komt foar fan sintraal Angoala oant Sambia en súdeastlik Kongo-Kinsjasa.

Hâlden en dragen

Syn iten bestiet benammen út fruit, mar ek ynsekten en sa út en troch oare bisten lykas kikkerts, hagedissen en slakken. Yn West-Afrika briedt er tusken desimber en maaie, yn Gabon tusken jannewaris en maart.

Status

It is net bekend hoe't de populaasje him ûntwikkelet. Om't it ûnbekend is hokker gefolgen feroaringen yn it lânskip foar de soarte ha, is it dreech om in trend fêst te stellen. Der bestiet gjin rûzing fan 'e wrâldpopulaasje, mar wurdt ôfhinklik fan it seizoen as talryk omskreaun en it ferspriedingsgebiet is grut. De Ynternasjonale Uny foar it Behâld fan 'e Natuer (IUCN) beskôget de fûgel as net bedrige (LC, 2018).

Boarnen, noaten en/as referinsjes:

BirdLife International Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Prachglânsstaar fan Wikimedia Commons.