Griisboarstglânsstaar

griisboarstglânsstaar
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift moskeftigen (Passeriformes) famylje protterfûgels (Sturnidae) skaai glânsstaren (Lamprotornis)
soarte
Lamprotornis fischeri
Reichenow, 1884
IUCN-status: net bedrige
ferspriedingsgebiet

De griisboarstglânsstaar of griisboarstglânsprotter (Lamprotornis fischeri, earder: Spreo fischeri) is in fûgel yn it skaai glânsstaren (Lamprotornis) út de famylje fan 'e protterfûgels (Sturnidae).

Skaaimerken

Griisboarstglânsprotters mei trijekleurige glânsstaren.

De griisboarstglânsstaar is in protter mei in ljochtgrize kop, in wyteftige kroan en in ljocht each, dat kontrastearret mei it swart tusken de snaffel en it each. De boppedielen binne brúngriis mei in swakke griene en blauwe irisaasje. It boarst is brúngriis en de búk is witich, mei op'e flanken donkere plakken. Yn 'e flecht binne der grutte wite plakken oan 'e ûnderkant fan 'e wjukken te sjen.

Fersprieding

De fûgel libbet fan Súd-Etioopje en Súd-Somaalje oant eastlik Kenia en noardeastlik Tanzania en wurdt as monotypysk behannele, itjinge betsjut dat der gjin ûnderferdieling yn ûndersoarten is.

Harren habitat bestiet út drûge savannes, lânbougebieten en om stêden en doarpen hinne. Se binne faak yn groepen mei oare soarten te sjen.

Status

De soarte hat in grut ferspriedingsgebiet en de populaasje wurdt as stabyl beskôge. De Ynternasjonale Uny ta Behâld fan 'e Natuer (IUCN) beskôget de soarte as net bedrige (LC).

Namme

De wittenskiplike namme fan 'e fûgel is in earbetoan oan Gustav Adolf Fischer (1848-1886), in Dútske arts, ûntdekkingsreizger en samler fan bisten, dy't fan 1876 oant 1886 aktyf wie yn tropysk Afrika.

Boarnen, noaten en/as referinsjes:

BirdLife International Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Griisboarstglânsstaar fan Wikimedia Commons.