Lacey Chabert

Lacey Chabert
akteur
persoanlike bysûnderheden
echte namme	Lacey Nicole Chabert
nasjonaliteit	Amerikaansk
berne	30 septimber 1982
berteplak	Purvis (Mississippy)
etnisiteit	Frânsk Ingelsk Italjaansk Cajun Sisyljaansk Skotsk
jierren aktyf	1987 – no
offisjele webside
www.thereallacy.com

Lacey Chabert (folút: Lacey Nicole Chabert; Purvis (Mississippy), 30 septimber 1982) is in Amerikaansk aktrise, dy't mei tolve jier al ynternasjonale bekendheid krige mei har rol as Claudia Salinger yn 'e dramasearje Party of Five. Dêrnjonken is se bekend út films as Lost in Space, Not Another Teen Movie, Daddy Day Care en Mean Girls, en fan har wurk as stimaktrise.

Libben en karriêre

Jonkheid en oplieding

Lacey Chabert waard yn 1982 berne yn Purvis, yn 'e súdlike Amerikaanske steat Mississippy, as ien fan 'e fjouwer bern yn it gesin fan Tony Chabert, in ûnderhâldsmonteur by in ierdoaljemaatskippij, en dy syn frou Julie Johnson. Har heit is in Frânsktalige Cajun út súdlik Louisiana, dy't ek Sisyljaansk en Ingelsk bloed hat, wylst har mem fan Ingelsk, Skotsk en yn 'e fierte fan Italjaansk komôf is. Chabert hat twa âldere susters en in jongere broer.

Aktearkarriêre

As bern wie Chabert al aktyf as aktrise, en ien fan har earste wichtige rollen ferfolle se yn 1992 en 1993 yn 'e Broadwayproduksje fan Les Misérables as Cosette. Nei't se yn 1990 al foar it earst yn in tillefyzjesearje te sjen west hie, briek se yn 1994, doe't se tolve jier wie, troch mei har rol as Claudia Salinger yn 'e dramarige Party of Five. Dy searje, mei û.o. Neve Campbell en Jennifer Love Hewitt yn 'e oare haadrollen, gie oer it wol en wee fan in gesin besteande út fiif bruorren en susters fan wa't de âlden by in ferkearsûngemak om it libben kommen binne. Party of Five rûn oant en mei 2000. Chabert wûn foar har rol as Claudia Salinger yn 1999 in Young Artist Award en waard yn 1995, 1996 en 1997 foar dyselde priis nominearre.

Har debút as filmaktrise makke Chabert yn 1998 as Penny Robinson yn 'e science fiction-skriller Lost in Space, mei û.o. William Hurt, Mimi Rogers, Heather Graham en Matt LeBlanc. Fierders spile Chabert û.m. Amanda Becker yn Not Another Teen Movie (2001), Jenny yn Daddy Day Care (2003) en Gretchen Wieners yn Mean Girls (2004). Datselde jiers fertolke hja ek de titelrol yn 'e tillefyzjefilm The Brooke Ellison Story, oer it wierbarde ferhaal fan in frou dy't ferlamme wie oan alle fjouwer lidden, mar dy't dochs withoefolle obstakels wist te oerwinnen om ôfstudearje te kinnen oan 'e prestizjeuze Universiteit fan Harvard. Yn 2006 spile Chabert yn 'e remake fan 'e klassike splatterhorrorfilm Black Christmas.

Njonken rollen yn minder bekende films en gastrollen yn tillefyzjesearjes wurke Chabert fierders in protte as stimaktrise, te begjinnen mei it personaazje Eliza Thornberry yn 'e tekenfilmsearje The Wild Thornberrys, fan 1998 oant 2004. Ek liende se har stim oan dochter Meg Griffin yn it earste seizoen fan 'e tekenfilmsearje Family Guy (1999), wêrnei't Mila Kunis dy rol oernaam om't Chabert it net mear ynpasse koe tusken har oare aktearjen en har skoalwurk. Fierders spile Chabert ek prinsesse Elise yn it fideospultsje Sonic the Hedgehog (2006), en Gwen Stacy yn 'e tekenfilmsearje The Spectacular Spider-Man (2008-2009). Fan 2011 oant 2016 spile se Dani Burns en ferskate oare rollen yn 'e tekenfillmsearje Transformers: Rescue Bots.

Yn 2013 en 2014 hie Chabert in weromkearende rol yn 'e komeedzjesearje Baby Daddy as dokter Amy Shaw. Fan 2016 ôf spile se fierders yn mear as tritich romantyske tillefyzjefilms foar it Amerikaanske Hallmark Channel. The New York Post en oare media hawwe Chabert dêrom wol oantsjut as de 'Keninginne fan Hallmark-krystfilms'. Yn in fraachpetear mei E! sei Chabert: "ien fan 'e dingen dy't ik sa moai fyn oan [it wurkjen foar Hallmark] is dat [de films] garandearre in happy end hawwe. […] Ik wol leauwe, mei de wrâld sa't dy hjoed de dei is, bin ik tige grutsk om diel út te meitsjen fan in projekt dat in bytsje leafde en ljocht en lichthertigens […] tafoeget."

Ien fan Chabert har earste Hallmark-films wie it súksesfolle A Christmas Melody, wêryn't se û.o. sjongster Mariah Carey as tsjinspylster hie. Yn 2017 wurke Chabert as stimaktrise mei oan 'e tekenfilm All I Want for Christmas Is You, dy't basearre wie op it boek mei deselde namme dat skreaun wie troch Mariah Carey en Colleen Madden. Dêrby wurke se fannijs gear mei Carey, dy't ek as stimaktrise by de tekenfilm belutsen wie.

Lacey Chabert yn 2019.

Yn 2019 krige Chabert in rol yn 'e Crossword Mysteries-searje op it tillefyzjekanaal Hallmark Movies & Mysteries. Yn 2022 ferlieten ferskate fêste Hallmark-akteurs it Hallmark Channel om oer te stappen nei it nije tillefyzjenetwurk Great American Family, dat him op deselde doelgroep rjochtet. Chabert spriek lykwols yn it iepenbier har stipe foar it Hallmark Channel út en se tekene in nij kontrakt dat har in gruttere rol binnen it netwurk joech. Sa soe se tenei guon fan har eigen tillefyzjefilms produsearje.

Oare wurkmêden

Yn septimber 2022 brocht Chabert har eigen moadekolleksje út, de Lacey Chabert Collection, fia it thúswinkelnetwurk HSN. De kolleksje omfieme jekken, joggingbroeken, leggings, sokken, jurken en truien, allegear foar betelbere prizen fan tusken de $15 en de $80. Yn in fraachpetear mei InStyle sei Chabert dat se der altyd fan dreamd hie om in eigen moadekolleksje te hawwen.

Priveelibben

Chabert wennet yn súdlik Kalifornje, dêr't se yn 1994 mei har âlden, broer en susters hinne ferfearn is foar har rol yn Party of Five. Yn jannewaris 2007 en nochris yn novimber 2013 stie se op 'e omslach fan it manljusblêd Maxim. Op 22 desimber 2013 troude Chabert yn Los Angeles mei har freon David Nehdar, mei't wa't se al jierrenlang in relaasje hie. Yn septimber 2016 befoel se fan harren dochter Julia.

Filmografy

Filmografy as aktrise
jier	titel	rol of funksje	opmerkings
tillefyzje
1991	A Little Piece of Heaven	Princess alias "Hazel"	tillefyzjefilm nom. Young Artist Award foar bêste jonge aktrise ûnder de 10
1991	Reading Rainbow	harsels	as stimaktrise; gastrol; ôfl. Snowy Day: Stories and Poems
1992–1993	All My Children	Bianca Montgomery	weromkearende rol; 2 ôfl.
1993	Gypsy	Baby June	tillefyzjefilm
1994–2000	Party of Five	Claudia Salinger	fêste rol; 142 ôfl. wûn Young Artist Award foar bêste jonge aktrise yn in dramasearje (1999) 3× nom. Young Artist Award foar bêste jonge aktrise yn in dramasearje (1995–1997)
1996	ABC Afterschool Specials	Carly Gallagher	gastrol; ôfl. Educating Mom
1996	Gargoyles: The Goliath Chronicles	Kim	as stimaktrise; gastrol; 1 ôfl.
1996	Gargoyles: The Goliath Chronicles	Bobbi Porter	as stimaktrise; gastrol; 1 ôfl.
1996	Aaahh!!! Real Monsters	ferskate rollen	as stimaktrise; weromkearende rol; 3 ôfl.
1997	The Adventures from the Book of Virtues	de jongste dochter	as stimaktrise; gastrol; ôfl. Respect
1997	When Secrets Kill	Jenny Newhall	tillefyzjefilm
1997	Hey Arnold!	Ruth P. McDougal	as stimaktrise; weromkearende rol; 2 ôfl.
1998	Stories from My Childhood	Jenny	gastrol; ôfl. The Last Petal
1998	Hercules	Callista	as stimaktrise; gastrol; ôfl. Hercules and the Kids
1998–2004	The Wild Thornberrys	Eliza Thornberry ferskate oare rollen	as stimaktrise; fêste rol; 90 ôfl.
1999–2000	Family Guy	Meg Griffin	as stimaktrise; fêste rol; 12 ôfl.
2001	The Wild Thornberrys: The Origin of Donnie	Eliza Thornberry	as stimaktrise; tillefyzjefilm
2002	The Proud Family	ferskate rollen	as stimaktrise; gastrol; ôfl. Romeo Must Wed
2002	Strong Medicine	Mary	gastrol; ôfl. Heartbeat
2002	The Drew Carey Show	Grace	gastrol; ôfl. Drew's Girl Friday
2003	Stuart Little: The Animated Series	Katy	as stimaktrise; gastrol; ôfl. Skateboard Dogz
2003	Punk'd	harsels	slachtoffer; ôfl. #1.4
2004	The Brooke Ellison Story	Brooke Ellison	tillefyzjefilm
2005	American Dragon: Jake Long	Jasmine	as stimaktrise; gastrol; ôfl. Dragon Breath
2005	Super Robot Monkey Team Hyperforce Go!	Surthanna	as stimaktrise; gastrol; ôfl. Girl Trouble
2005–2006	Bratz	Kaycee	as stimaktrise; fêste rol; 17 ôfl.
2006	She Said/He Said	ûnbekend	tillefyzjefilm
2006	Hello Sister, Goodbye Life	Olivia	tillefyzjefilm
2006	Ghost Whisperer	Donna Ellis	gastrol; ôfl. Love Still Won't Die
2007	Me, Eloise!	Ida	as stimaktrise; gastrol; ôfl. Eloise Goes Hollywood (Part 1)
2007	What If God Were the Sun?	Jamie Spagnoletti	tillefyzjefilm
2008	Untitled Liz Meriwether Project	Liz Meriwether	tillefyzjefilm
2008–2009	The Spectacular Spider-Man	Gwen Stacy	as stimaktrise; fêste rol; 25 ôfl.
2009	The Lost	Jane	tillefyzjefilm
2009	Glenn Martin, DDS	Amish-famkes	as stimaktrise; gastrol; ôfl. Amish Anguish
2010	Elevator Girl	Liberty Taylor	tillefyzjefilm foar it Hallmark Channel
2011	Mike DA Mustang	Angel	tillefyzjefilm
2011	Allen Gregory	Beth	as stimaktrise; weromkearende rol; 6 ôfl.
2011–2012	Generator Rex	Jojo ferskate oare rollen	as stimaktrise; weromkearende rol; 2 ôfl.
2011–2012, 2018	Family Guy	Jan Brady	as stimaktrise; weromkearende rol; 3 ôfl.
2011–2016	Young Justice	Zatanna Zatara ferskate oare rollen	as stimaktrise; fêste rol; 18 ôfl.
2011–2013 2019–2022	Transformers: Rescue Bots	Dani Burns ferskate oare rollen	as stimaktrise; fêste rol; 104 ôfl.
2012	Doc McStuffins	Gabby the Giraffe	as stimaktrise; gastrol; ôfl. Arcade Escapade/Starry, Starry Night
2012	Imaginary Friend	Emma	tillefyzjefilm
2012	The Avengers: Earth's Mightiest Heroes	Daisy Johnson / Quake	as stimaktrise; weromkearende rol; 2 ôfl.
2012	Matchmaker Santa	Melanie	tillefyzjefilm foar it Hallmark Channel
2013	Off Season: Lex Morrison Story	Sally Summers	tillefyzjefilm
2013	Scarecrow	Kristen	tillefyzjefilm
2013	Non-Stop	Amy Nightingale	tillefyzjefilm
2013–2014	Baby Daddy	dokter Amy Shaw	weromkearende rol; 6 ôfl.
2013–2015	Robot Chicken	Eliza Thornberry ferskate oare rollen	as stimaktrise; weromkearende rol; 2 ôfl.
2014	The Color of Rain	Gina Kell	tillefyzjefilm foar it Hallmark Channel
2014	A Royal Christmas	Emily Taylor	tillefyzjefilm foar it Hallmark Channel
2014	The Tree That Saved Christmas	Molly Logan	tillefyzjefilm foar UP TV
2014	Living the Dream	Jenna Harris	tillefyzjefilm
2015	All of My Heart	Jenny Fintley	tillefyzjefilm foar it Hallmark Channel
2015	Family for Christmas	Hanna Dunbar	tillefyzjefilm foar it Hallmark Channel
2015	A Christmas Melody	Kristin Parson	tillefyzjefilm foar it Hallmark Channel
2015	Family Fortune	Nichole	tillefyzjefilm
2016	Teachers	Ginny	gastrol; ôfl. Jacob
2016	Still the King	Laura Beth	weromkearende rol; 4 ôfl.
2016	Kulipari: An Army of Frogs	Coorah Thuma	as stimaktrise; fêste rol; 13 ôfl.
2016	A Wish for Christmas	Sara Thomas	tillefyzjefilm foar it Hallmark Channel; ek ko-útfierend produsinte
2016 & 2019	The Lion Guard	Vitani	as stimaktrise; weromkearende rol; 2 ôfl.
2016–2017	Justice League Action	Zatanna Zatara	as stimaktrise; weromkearende rol; 5 ôfl.
2016–2018	Voltron: Legendary Defender	Nyma Romelle Te-osh	as stimaktrise; weromkearende rol; 4 ôfl.
2016–2020	Shimmer and Shine	Zeta de Tsjoenster	as stimaktrise; fêste rol; 22 ôfl.
2017	Moonlight in Vermont	Fiona Rangley	tillefyzjefilm foar it Hallmark Channel
2017	All of My Heart: Inn Love	Jenny Fintley	tillefyzjefilm foar it Hallmark Channel
2017	The Sweetest Christmas	Kylie Watson	tillefyzjefilm foar it Hallmark Channel
2018	My Secret Valentine	Chloe Grange	tillefyzjefilm foar it Hallmark Channel
2018	Love on Safari	Kira Slater	tillefyzjefilm foar it Hallmark Channel
2018	All of My Heart: The Wedding	Jenny Fintley	tillefyzjefilm foar it Hallmark Channel
2018	Pride, Prejudice and Mistletoe	Darcy Fitzwilliam	tillefyzjefilm foar it Hallmark Channel
2019	Love, Romance & Chocolate	Emma Colvin	tillefyzjefilm foar it Hallmark Channel
2019	The Crossword Mysteries: A Puzzle to Die For	Tess Harper	tillefyzjefilm foar Hallmark Movies & Mysteries
2019	The Crossword Mysteries: Proposing Murder	Tess Harper	tillefyzjefilm foar Hallmark Movies & Mysteries
2019	Christmas In Rome	Angela de Luca	tillefyzjefilm foar it Hallmark Channel
2019	Kung Fu Panda: The Paws of Destiny	pandamem Xiao ferskate oare stimmen	as stimaktrise; weromkearende rol; 10 ôfl.
2020	Winter in Vail	Chelsea Whitmore	tillefyzjefilm foar it Hallmark Channel
2020	The Crossword Mysteries: Abracadaver	Tess Harper	tillefyzjefilm foar Hallmark Movies & Mysteries
2020	Christmas Waltz	Avery	tillefyzjefilm foar it Hallmark Channel
2020	Time for Us to Come Home for Christmas	Sarah Thomas	tillefyzjefilm foar Hallmark Movies & Mysteries
2021	The Crossword Mysteries: Terminal Descent	Tess Harper	tillefyzjefilm foar Hallmark Movies & Mysteries
2021	Crossword Mysteries: Riddle Me Dead	Tess Harper	tillefyzjefilm foar Hallmark Movies & Mysteries
2021	Sweet Carolina	Josie Wilder	tillefyzjefilm foar it Hallmark Channel
2021	Christmas at Castle Hart	Brooke Bennett	tillefyzjefilm foar it Hallmark Channel
2021	Harriet the Spy	Marion Hawthorne	as stimaktrise; minysearje foar Apple+
2022	The Wedding Veil	Avery Morrison	tillefyzjefilm foar it Hallmark Channel
2022	The Wedding Veil: Unveiled	Avery Morrison	tillefyzjefilm foar it Hallmark Channel
2022	The Wedding Veil: Legacy	Avery Morrison	tillefyzjefilm foar it Hallmark Channel
2022	Groundswell	Emma	tillefyzjefilm foar Hallmark Movies & Mysteries
2022	Haul Out the Holly	Emily	tillefyzjefilm foar it Hallmark Channel
2023	The Wedding Veil: Expectations	Avery Hastings	tillefyzjefilm foar it Hallmark Channel
films
1997	Journey Beneath the Sea	Merla	as stimaktrise; direkt-op-fideo útbrocht
1997	Redux Riding Hood	Readkapke	as stimaktrise; koarte film
1997	Babes in Toyland	Jill	as stimaktrise; direkt-op-fideo útbrocht
1997	Anastasia	de jonge Anastasia	as stimaktrise (sjongen)
1998	Lost in Space	Penny Robinson	nom. Young Artist Award foar bêste jonge aktrise yn in film
1998	The Lion King II: Simba's Pride	de jonge Vitani	as stimaktrise; direkt-op-fideo útbrocht
1998	An American Tail: The Treasure of Manhattan Island	Tanya	as stimaktrise
1999	An American Tail: The Mystery of the Night Monster	Tanya	as stimaktrise
1999	We Wish You a Merry Christmas	Cindy	as stimaktrise
2001	Tart	Eloise Logan
2001	Not Another Teen Movie	Amanda Becker
2002	Hometown Legend	Rachel Sawyer
2002	Balto II: Wolf Quest	Aleu	as stimaktrise; direkt-op-fideo útbrocht
2002	Snow Dogs	Lytse Aleutia	as stimaktrise
2002	The Scoundrel's Wife	Florida Picou
2002	The Wild Thornberrys Movie	Eliza Thornberry	as stimaktrise
2003	Daddy Day Care	Jenny
2003	Rugrats Go Wild	Eliza Thornberry	as stimaktrise
2004	On Tracy Lane: Back to Maybe	Leading Lady	koarte film
2004	Mean Girls	Gretchen Wieners	wûn MTV Movie Award foar bêste team op it wite doek (mei Lindsay Lohan, Rachel McAdams en Amanda Seyfried)
2004	Shadows of Fear	Allison Henderson
2005	Dirty Deeds	Meg Cummings
2006	High Hopes	Cindy
2006	Fatwa	Noa Goldman
2006	A New Wave	Julie
2006	Bratz: Genie Magic	Kaycee	direkt-op-fideo útbrocht
2006	The Pleasure Drivers	Faruza
2006	Choose Your Own Adventure: The Abominable Snowman	Crista North	direkt-op-fideo útbrocht
2006	Bratz: Passion 4 Fashion – Diamondz	Kaycee	direkt-op-fideo útbrocht
2006	Black Christmas	Dana Mathis
2007	Be My Baby	Tiffany
2007	Being Michael Madsen	Vanessa Rapaport
2008	Sherman's Way	Marcy
2008	Reach for Me	Sarah
2009	Ghosts of Girlfriends Past	Sandra
2010	In My Sleep	Becky
2010	Thirst	Noelle Edwards	direkt-op-fideo útbrocht; ek útfierend produsinte
2010	Quantum Quest: A Cassini Space Odyssey	Jeanna	as stimaktrise
2011	Destruction Party	Ava	koarte film
2011	A Holiday Heist	Jennifer
2012	Beverly Hills Chihuahua 3: Viva La Fiesta!	Charlotte	as stimaktrise; direkt-op-fideo útbrocht
2013	Sanitarium	frou Lorne	segmint Monsters are Real
2013	Slightly Single in L.A.	Dale Squire
2013	Scooby-Doo! Mecha Mutt Menace	Melanie Staples	as stimaktrise; koarte film
2013	Anything Is Possible	Maggie
2014	Telling of the Shoes	Abby
2014	Ghost of Goodnight Lane	Dani
2014	Christian Mingle	Gwyneth Hayden
2016	Ginger & Snapper	Ginger	koarte film
2016	The Lost Tree	Jenna Lynds
2017	All I Want for Christmas Is You	Penelope	as stimaktrise; direkt-op-fideo útbrocht
2018	Do You	Jane	koarte film
fideospultsjes
2001	Nicktoons Racing	Eliza Thornberry	as stimaktrise
2002	Nickelodeon Party Blast	Eliza Thornberry	as stimaktrise
2003	Rugrats Go Wild!	Eliza Thornberry	as stimaktrise
2005	Bratz: Rock Angelz	Kaycee	as stimaktrise
2006	Sonic the Hedgehog	prinsesse Elise	as stimaktrise
2011	Star Wars: The Old Republic	Mako	as stimaktrise
2013	Star Wars: The Old Republic – Rise of the Hutt Cartel	Mako	as stimaktrise
2013	Injustice: Gods Among Us	Zatanna Zatara	as stimaktrise
2013	Young Justice: Legacy	Zatanna Zatara LexCorp Bot toeriste	as stimaktrise
2014	Star Wars: The Old Republic – Shadow of Revan	Mako	as stimaktrise
2015	Infinite Crisis	Zatanna Zatara	as stimaktrise
2015	Star Wars: The Old Republic – Knights of the Fallen Empire	Mako	as stimaktrise
2022	Nickelodeon Extreme Tennis	Eliza Thornberry	as stimaktrise

Keppelings om utens

• (in) Offisjele webside fan Lacey Chabert
• (in) Folsleine filmografy fan Lacey Chabert yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Lacey Chabert fan Wikimedia Commons.