Lútzen Dijkstra

	Lútzen Dijkstra
	Reedrider
	Sjoukje Dijkstra wurdt 'medysk ûndersocht' troch har heit Lou Dijkstra, in dei nei de Winterspullen fan 1960 yn Garmisch-Partenkirchen
	persoanlike bysûnderheden
echte namme	Lútzen Dijkstra
nasjonaliteit	Nederlânsk
bertedatum	7 maaie 1909
berteplak	Peazens
stjerdatum	24 april 1964
stjerplak	Amstelfean
etnisiteit	Frysk
	sportive ynformaasje
ûnderdiel	Langebaan
O.S.	Garmisch-Partenkirchen 1936

Lútzen (Lou) Dijkstra (Peazens, 7 maaie 1909 - Amstelfean, 24 april 1964) wie in Fryske reedrider en dokter.

Syn bêste útslach wie in twadde plak by it Nederlânsk Kampioenskip fan 1933. Hy die mei oan de Olympyske Winterspullen fan 1936, wêr't hy meidie op alle ôfstannen. By de wrâldkampioenskippen wie syn bêste resultaat it 11e plak yn it einklassemint yn 1935. Noch yn 1950 kaam er út op it Nederlânsk Kampioenskip.

Dijkstra wie ek in fertsjinstlik hurdfytser, wedstrydsiler en fuotballer. Sa wie er keeper by ADO De Haach.^[1] Fan berop wie er medikus. Hy ferhuze yn 1942 nei Amstelveen, dêr't er húsarts waard.

Nei de oarloch waard er troch de KNSB op non-aktyf set, omdat er lid fan de NSB west hawwe soe, alhoewol't er troch de Bysûndere rjochtspleging fan alle blaam suvere wie. Yn 2023 krige Dijkstra, dy't mei in Joadske frou troud wie, postúm earherstel fan it reedrydbûn, nei ûndersyk troch de sporthistoarisy Marnix Koolhaas en Jurryt van de Vooren. ^[2]

Dijkstra wie in steunpylder fan syn dochter Sjoukje, dy't fan 1960 ôf triomfen fierde by it keunstriden. Inkele wiken nei it hichtepunt yn har karriêre, Olympysk goud op de Winterspullen 1964, kaam er om it libben by in ferkearsûngemak yn syn wenplak. ^[3]

Resultaten

jier	NK Oer Alles	EK Oer Alles	WK Oer Alles	Olympyske Spullen
1929	nc16
1933	sulver		17e
1935			11e
1936		16e	18e	24e 500m 20e 1500m 16e 5000m 20e 10.000m
1941	nc17
1942	nc21
1947	ns2
1951	nf3

Boarnen, noaten en referinsjes

Boarnen, noaten en/as referinsjes:

↑ Sportkroniek; weekblad voor sport, jrg 59, 1961, nû. 52, 27-12-1961, op webside Delpher
↑ Eerherstel voor Luitzen Dijkstra; vader van kunstschaatslegende toch niet 'fout' in oorlog, NOS sport, 17 maaie 2023. Argivearre op 3 septimber 2023.
↑ Vader van Sjoukje Dijkstra verongelukt, Leeuwarder Courant, 25 april 1964 fia Delpher.

[1] Sportkroniek; weekblad voor sport, jrg 59, 1961, nû. 52, 27-12-1961, op webside Delpher

[2] Eerherstel voor Luitzen Dijkstra; vader van kunstschaatslegende toch niet 'fout' in oorlog, NOS sport, 17 maaie 2023. Argivearre op 3 septimber 2023.

[3] Vader van Sjoukje Dijkstra verongelukt, Leeuwarder Courant, 25 april 1964 fia Delpher.

[1]

[2]

[3]