Kofiauflaggesturtiisfûgel

Kofiauflaggesturtiisfûgel
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift rôldereftigen (Coraciiformes) famylje iisfûgels (Alcedinidae) skaai flaggesturtiisfûgels (Tanysiptera)
soarte
Tanysiptera ellioti
Sharpe, 1870
IUCN-status: gefoelich (hast bedrige)
ferspriedingsgebiet
Lokaasje Kofiau west fan Nij-Guineä.

De Kofiauflaggesturtiisfûgel (Tanysiptera ellioti) is ien fan 'e njoggen fûgelsoarten fan it skaai flaggesturtiisfûgels (Tanysiptera) út de famylje iisfûgels (Alcedinidae).

Beskriuwing

Tekening fan John Gerrard Keulemans.

De soarte is in relatyf lytse iisfûgel mei twa lange sintrale sturtfearren dy't 10 oant 11 sm langer binne as de rest fan 'e sturt. Mantsjes en wyfkes ha in blauwe kroan, donkerblauwe boppedielen en in wite stút. Ek it boarst en de búk binne wyt. De snaffel is read, it each donkerbrún en de poatsjes brúngriis oant gielbrún. De fûgel hat in soad fan 'e gewoane flaggesturtiisfûgel (T. galatea). mar oars as dy fûgel hat de Kofiauflaggesturtiisfûgel in folslein wite stut en minder spatelfoarmige einen oan 'e twa lange sturtfearren. Tusken wyfkes en mantsjes binne gjin ferskillen yn it fearrekleed.

Jonge fûgels binne donkerder as folwoeksen fûgels mei bêzje rânen oan 'e wjukfearren, ljochtbrune markearings op 'e boppedielen en brúnbêzje markearings op it ûnderbealchje. De sturt is blau oan 'e boppekant en griis oan 'e ûnderkant, wylst de snaffel brún is mei in ljochte punt.

Fersprieding

De fûgel is endemysk op it eilân Kofiau, dat foar de kust fan West-Papoeä (Yndoneezje) leit.

Status

De soarte hat in lyts ferspriedingsgebiet en de populaasje is nei alle gedachten ek lyts. It geskikte biotoop wurdt stadichoan lytser en degradearret. De IUCN kategorisearret de soarte op 'e Reade list as gefoelich (hast bedrige).

Namme

De wittenskiplike namme fan 'e soarte ferwiist nei de Amerikaanske ornitolooch Daniel Giraud Elliot.

Boarnen, noaten en/as referinsjes:

Birdlife Ebird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Kofiauflaggesturtiisfûgel fan Wikimedia Commons.