Klaudianus

Ut Wikipedy
Springe nei navigaasje Springe nei sykjen

Klaudianus (Alexandria, ± 370 - Rome, ± 404 ) wie in Latynske skriuwer fan Gryksk komôf.

Biografyske gegevens[bewurkje seksje | boarne bewurkje]

Klaudianus waard berne yn Aleksanderje, Egypte as soan fan Grykse alden. Hy skreau yn ien fan 'e meast spannende, mar net bekende perioaden fan' e Romeinske skiednis. Tidens syn libben waarden Arkadius en Honoarius, de swakke soannen fan 'e lêste iennige Romeinske keizer, Theodosius I, marionetten fan sterke generaals en ministers. As favoryt fan Flavius Stilicho, de grutte oerbefelhawwer fan keizer Honoarius, kaam hy nei Itaalje en Rome, wêr't hy bleau fan 395 oant syn dea.

Wurk[bewurkje seksje | boarne bewurkje]

Klaudianus skreau meast gedichten yn it Gryksk, mar behearske likegoed it Latyn, typysk foar it kosmopolityske tiidrek yn dy tiid. As sadanich waard hy poeta laureatus (hofdichter) oan it hof fan keizer Honoarius.

  • Dêr ferhearlike hy yn Latynske epyske fersen de dieden fan syn patroanen Honoarius en Stilicho. Yn polemyske gedichten rjochte hy him ek tsjin har persoanlike tsjinstanners.
  • Klaudianus skreau ek in (ûnfoltôge) mytologysk epos, De raptu Proserpinae (ûntfiering fan Proserpina), syn masterwurk, dat it swanesang fan it sjenre neamd wurde kin.
  • fan Klaudianus binne ek noch in rige lytsere gedichten bekend (idyls, epigrams, elegies, ...) oer de meast ferskate ûnderwerpen.

Wurdearring[bewurkje seksje | boarne bewurkje]

Klaudianus kin beskoge wurde as de lêste wiere klassike dichter, waans oeuvre in wichtige boarne betjut foar de histoariografy fan'e 4e en 5e iuw. It byld dat hy sketst fan syn beskermhear Stilicho wurdt ferfoarme troch oerdreaune sympaty, wat net betsjuttet dat hy willekeurige histoaryske feiten ferfoarmet. Syn langere gedichten toane in protte entûsjasme en wurdearring foar it Romeinske ryk. Hoewol hy yn 'e fersen net ûntkomt oan 'e ynfloed fan 'e retoryk, stiicht syn wurk út boppe it typyske ferske meitsjen ut de lettere keizerlike perioade. Klaudianus wie in figuer dy't stie op it sneed fan twa wrâlden, in Gryksk-Romeinske dichter, dy't yn perfekt klassike fersen stof behannelt dy't de hoflike poëzy fan' e Midsiuwen oankundiget.

Eksterne keppeling[bewurkje seksje | boarne bewurkje]