Klaarkampstermûne

Ut Wikipedy
(Trochwiisd fan Klaarkampstermole)
Jump to navigation Jump to search
De Klaarkampstermûne ûnder Rinsumageast

De Klaarkampstermûne is in poldermûne by it doarp Rinsumageast yn de Dantumadiel.

De Klaarkampstermûne, in grûnsiler, waard nei alle gedachten om 1862 boud by de Juckemafeart yn Dantumadiel. Yn 1893 waard hy oerbrocht nei syn besteand stee, ûngefear 800 meter benoarden it doarp, dêr't hy de ± 70 ha grutte Klaarkampstermarpolder bemeale moast. De mûne waard by de ruilverkaveling fan de gemeente yn 1975 restaurearre. Dêrby waard njonken de mûne in elektrysk gemaaltsje ynstallearre, wêrfan de meterkast yn de mûne setten waard. De houten achtkante mole, mei stiennen fjildmuorren en dekt mei reid hat in flecht fan 16,14 m. Yn 1991 waard de Klaarkampstermûne opnij restaurearre, mar yn 2008 wie hy fanwege ûnderhâldsproblemen bûten wurking steld. De mûne is eigendom fan Steatsboskbehear en kin net besichtige wurde.

Sjoch ek[bewurkje seksje | boarne bewurkje]

Keppeling om utens[bewurkje seksje | boarne bewurkje]