Kersekapel (Kevelaer)

	Kersekapel Kerzenkapelle
	De kapel yn 2023
	Lokaasje
lân	Dútslân
dielsteat	Noardryn-Westfalen
plak	Kevelaer
adres	Kapellenplatz
koördinaten	51° 35' N 6° 14' E
	Tsjerklike gegevens
tsjerkegenoatskip	Roomsk-Katolike Tsjerke
bisdom	Münster
	Arsjitektuer
boujier	1643-1645
boustyl	gotyk
	Kaart
	;

De Kersekapel (Dútsk: Kerzenkapelle) is in oan Sint-Michael kapel yn 'e Dútske beafeartsstêd Kevelaer.

Skiednis[bewurkje seksje | boarne bewurkje]

De Kersekapel is de âldste beafeartstsjerke yn 'e stêd Kevelaer en waard noch yn 'e tiid fan de Tritichjierrige Kriich (1618-1648) tusken 1643 en 1645 boud.

De sealtsjerke is fan binnen 30 meter lang, likernôch 10 meter breed en 15 meter heech. It ienskippige gebou fan bakstien sûnder toer, mar hat in dakruter. Letter waard noch in sakristy oan de tsjerke tafoege.

De patroanhillige fan de tsjerke is de aartsingel Sint-Michael.

Yn de kapel steane in soad beafeartskersen, faak fersierd mei wapens fan de plakken dêr't se wei komme. Oan de noardlike bûtenmuorre fan de tsjerke baarne pylgers harren eigen devoasjekersen.

Oargel[bewurkje seksje | boarne bewurkje]

Yn de kapel stiet in oargel, dat yn 1990 troch de oargelboufirma Romanus Seifert & Sohn út Kevelaer boud waard. It oargel stiet efter in âldere oargelkas út it jier 1843, dat troch de oargelbouwer Wilhelm Rütter út Kevelaer boud waard. De disposysje fan it hjoeddeiske oargel is basearre op it âlde Rütter-oargel en bestiet út 24 registers. De traktueren binne mechanysk.

Klokken[bewurkje seksje | boarne bewurkje]

Yn it ramt fan de renovaasje fan de klokkestoel yn 'e dakruter waarden yn 2007 twa nij klokken oanskaft, dy't foar in part út it materiaal fan de âlde klokken getten waarden. De twa klokken waarden yn de klokkejitterij fan de benediktynske abdij Maria Laach getten.