Kelpmiuw

kelpmiuw
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift wilstereftigen (Charadriiformes) famylje seefûgels (Laridae) skaai miuwen (Larus)
soarte
Larus dominicanus
Lichtenstein, 1823
IUCN-status:
ferspriedingsgebiet

De kelpmiuw (Larus dominicanus) is in fûgel yn it skaai miuwen (Larus) út de famylje seefûgels (Laridae).

Skaaimerken

Kelpmiuw yn Nij-Seelân.

Kelpmiuwen wurde 54 oant 65 sm lang en ha in spanwiidte fan 128 oant 142 sm. Se weage 0,9 oant 1,3 kg. De kelpmiuw hat in soad fan 'e lytse sjouwerman (Larus fuscus), mar hat gjin grize mar giele poaten en de bou is wat swierder. Ek is syn snaffel foarser.

Fersprieding

Meiïnoar binne der fiif erkende ûndersoarten mei de foljende fersprieding:

• Larus dominicanus dominicanus: Súd-Amearika, de Falklâneilannen, Súd-Georgje en de Súdlike Sandwicheilannen, Austraalje en Nij-Seelân.
• Larus dominicanus vetula: súdlik Afrika en oan 'e westkust fan Afrika oant Senegal.
• Larus dominicanus judithae: de subantarktyske eilannen fan 'e Yndyske Oseaan.
• Larus dominicanus melisandae: súdlik en súdwestlik Madagaskar.
• Larus dominicanus austrinus: Antarktika en de Antarktyske eilannen.

De kelpmiuw briedt oan 'e kusten en eilannen fan it súdlik healrûn. Bûten it briedseizoen is de Afrikaanske ûndersoarte beheind ta kustgebieten. Earne oars, benammen yn Súd-Amearika, komt de fûgel ek faak op grutte marren, oan rivieren, op greiden en binnenlân foar. Yn Nij-Seelân wurdt de fûgel sels fûn by berchmarren.

Briedgedrach

It wyfke leit twa of trije aaien en beide âlden fuorje de jongen.

Status

De wrâldpopulaasje waard op 3,3 oant 4,3 miljoen fûgels yn 2012 rûsd. Der wurdt tocht dat de soarte yn oantallen tanimt. Dêrfandinne wurdt de kelpmiuw as net bedrige (Least Concern, 2018) op 'e Reade list fan 'e IUCN.

Boarnen, noaten en/as referinsjes:

BirdLife eBird Avibase Commons Wikimedia Commons  Ofbylden dy't by dit ûnderwerp hearre, binne te finen yn de kategory Larus dominicanus fan Wikimedia Commons.