Katedraal fan Talin

Ut Wikipedy
Katedraal fan Talin

Սուրբ Աստվածածին Մայր Եկեղեցի

bouwurk
De katedraal fanút de súdeastlike kant
De katedraal fanút de súdeastlike kant
lokaasje
lân Armeenje
provinsje Aragatsotn
plak Talin
bysûnderheden
type bouwurk Katedraal
boujier 7e iuw

De Katedraal fan Talin (Armeensk: Թալինի մայր աճար ) is in katedraal yn de Armeenske stedsje Talin wêrfan't de bou datearre wurdt op de 7e iuw. It bouwurk heart ta de grutste katedralen fan it lân en is foar in part yn ruïneuze steat.

Beskriuwing[bewurkje seksje | boarne bewurkje]

De katedraal stiet sintraal op it tsjerkhôf fan Talin en behearsket de skyline of de omjouwing. Op basis fan de styl wurdt oannommen dat de tsjerke yn de 7e iuw boud waard. It monumint stoartte troch de ierdskoddings fan 1840 en 1931 foar in part yn. Njonken de op in tolvehoekige tamboer steande sintrale koepel is ek it measte fan de westlike fleugel ferneatige.

Sûrp Astvatsatsin

Yn 1947 waard der besocht om fierder ferfal op te kearen en yn de jierren 1972-1976 fûn foar in part in rekonstruksje plak. By opgravings yn dy tiid waarden in ienskippige basilyk en resten fan in paleis fûn.

Tichteby de katedraal stiet noch in lytsere tsjerke dy't wijd waard oan de Mem fan God (Sûrp Astvatsatsin). De bou dêrfan wurdt taskreaun oan ien fan de prinsen fan de famylje Kamsarakan, dy't yn de 7e iuw oer it gebiet om Talin hinne hearske.

Boarnen, noaten en referinsjes[boarne bewurkje]

Boarnen, noaten en/as referinsjes: