Karmozynkopkardinaal
| Karmozynkopkardinaal | ||||||||||||
|---|---|---|---|---|---|---|---|---|---|---|---|---|
 | ||||||||||||
| taksonomy | ||||||||||||
| ||||||||||||
| soarte | ||||||||||||
| Piranga rubriceps | ||||||||||||
| (Gray, 1844) | ||||||||||||
 net bedrige
| ||||||||||||
| ferspriedingsgebiet | ||||||||||||
 |
De Karmozynkopkardinaal (Piranga rubriceps) is in fûgelsoarte yn 'e kardinaalfûgels (Cardinalidae) fan it skaai Piranga's.
Beskriuwing
[bewurkje seksje | boarne bewurkje]De fûgel hat in opfallend fearrekleed, giel mei in ierbeireade kop en donkere wjukken mei giele rânen op 'e fearren. It reade fan it mantsje it útwrydsker as by it wyfke. Syn sang bestiet út koarte útbarstings fan dúdlike, hege toanen, dy't ferrassend fier oer de berchhellingen klinke.
Fersprieding
[bewurkje seksje | boarne bewurkje]De fûgel komt foar yn 'e Andes fan Kolombia en noardeastlik Perû (Huánuco). De soarte wurdt as monotypysk behannele, itjinge betsjut dat hy net yn ûndersoarten ferdield is.
Taksonomy
[bewurkje seksje | boarne bewurkje]It skaai Piranga waard earder yn 'e famylje tangarefûgels (Thraupidae) set, mar DNA-stúdzjes hawwe oantoand dat it eins kardinaalfûgels binne, nau besibbe oan 'e typesoarte fan 'e famylje, de reade kardinaal.
Hâlden en dragen
[bewurkje seksje | boarne bewurkje]De karmozynkardinaal is in seldsume fûgel fan dizewâlden op hichten fan 1.310 en 3.520 m. Faak libbet de fûgel yn pearkes, lytse groepkes of mingde groepen, meastentiids yn 'e hege beamlagen.
Status
[bewurkje seksje | boarne bewurkje]De soarte hat in grut ferspriedingsgebiet, mar oannommen wurdt dat de soarte yn oantal ôfnimt. De ôfname is lykwols net bot genôch om de soarte as bedrige te beskôgjen en dêrfandinne klassifisearret de IUCN de fûgel as net bedrige (LC).
| Boarnen, noaten en/as referinsjes: | ||
|
