Kandtastrild
| Kandtastrild | ||||||||||||
|---|---|---|---|---|---|---|---|---|---|---|---|---|
 | ||||||||||||
| taksonomy | ||||||||||||
| ||||||||||||
| soarte | ||||||||||||
| Estrilda kandti | ||||||||||||
| Reichenow, 1902 | ||||||||||||
IUCN-status:  | ||||||||||||
De Kandtastrild (Estrilda kandti) is in lyts fûgeltsje út de famylje fan 'e prachtfinken (Estrildidae). De soarte komt foar yn 'e heechlannen fan Sintraal-Afrika. Foar in hiel skoft waard de fûgel as in ûndersoarte fan 'e swartkopastrild (Estrilda atricapilla) beskôge, mar hjoed-de-dei wurdt de fûgel as in selsstannige soarte behannele.
Ferskining
[bewurkje seksje | boarne bewurkje]
De Kandtastrild wurdt likernôch 10 sintimeter lang mei in roetswarte krún op 'e kop, dy't fan 'e snaffel oant yn 'e nekke rint. De rêch en wjukken binne griisbrún mei hiel fine, tsjustere dwersstreekjes. De stút en de flanken binne helder read en de búk en it boarst binne ljochtgriis oant wyteftich. De snaffel is swart mei rôze oan 'e basis fna 'e ûndersnaffel. Mantsjes en wyfkes ha in hiel soad fan inoar, al is it read op 'e flanken by it wyfke faak minder útwreide.
De Kandtastrild is nau besibbe oan 'e swartkopastrild mar de Kandtastrild hat in folle ljochtere, hast wyteftige búk en kiel, wylst de swartkopastrild dêr donkerder griis is. It read op 'e flanken is by de Kandtastrild faak wat mear en helderder fan kleur. Ek is de Kandtastrild oer it generaal krekt wat foarser boud as syn sibbe út it leechlân.
Fersprieding en systematyk
[bewurkje seksje | boarne bewurkje]De fûgel libbet yn 'e bercheftige gebieten fan 'e Albertine Rift yn Sintraal-Afrika. It ferspriedingsgebiet omfiemet dielen fan it easten fan 'e Demokratyske Republyk Kongo, Uganda, Rûanda en Boerûndy. Se hâlde fan iepen plakken yn it tropysk reinwâld, boskrânen en gerslannen op grutte hichten (faak tusken de 1.500 en 3.000 meter), mar komme ek op lânbougrûn yn 'e bergen foar.
Undersoarten
[bewurkje seksje | boarne bewurkje]Der wurde meastentiids twa ûndersoarten erkend:
- E. k. kandti: it easten fan 'e Demokratyske Republyk Kongo, súdwestlik Uganda, Rûanda en Boerûndy.
- E. k. keniensis: de sintrale heechlannen fan Kenia.
Ekology
[bewurkje seksje | boarne bewurkje]De Kandtastrild is in sosjale fûgel dy't faak yn lytse groepen omfleant, somtiden tegearre mei oare soarten astrilden. Se sykje foaral tusken heech gers en yn 'e strûken nei sied. Lytse ynsekten wurde faak iten yn 'e tiid dat der jongen binne. It nêst is in rûn bousel fan gers dat goed ferside sit yn 'e tichte begroeiïng. Lykas oare astrilden kinne se in 'skynnêst' boppe-op it echte nêst bouwe om nêstrôvers te ferifeljen.
Status
[bewurkje seksje | boarne bewurkje]De soarte wurdt troch de IUCN klassifisearre as net bedrige (Least Concern). Hoewol't it ferspriedingsgebiet beheind is ta de heechlannen, is de fûgel dêr lokaal algemien en de populaasje liket stabyl te wêzen.
| Boarnen, noaten en/as referinsjes: | ||
|
