Kalliopekolibry
| Kalliopekolibry | ||||||||||||
|---|---|---|---|---|---|---|---|---|---|---|---|---|
.jpg) mantsje  wyfke | ||||||||||||
| taksonomy | ||||||||||||
| ||||||||||||
| soarte | ||||||||||||
| Selasphorus calliope | ||||||||||||
| Gould, 1847 | ||||||||||||
IUCN-status: 
| ||||||||||||
| ferspriedingsgebiet | ||||||||||||
 briedfûgelwintergast |
De Kalliopekolibry (Selasphorus calliope) is in tige lyts fûgeltsje út 'e famylje kolibrys (Trochilidae). It is de lytste fûgelsoarte dy't yn 'e Feriene Steaten en Kanada briedt.
Etymology
[bewurkje seksje | boarne bewurkje]De wittenskiplike namme hat de folgjende betsjutting. Selasphorus komt út it Gryksk (selas = ljocht, glâns en phoros= drager), wat ljochtdrager betsjut. De spesifike namme calliope ferwiist nei Kalliope, de muze fan it heroysk epos út 'e Grykske mytology. De namme betsjut letterlik 'mei in moaie stim', al wurdt de namme hjir fral as earbetoan oan har skientme brûkt.
Ferskining
[bewurkje seksje | boarne bewurkje]
De Kalliopekolibry is mei in lingte fan 7 oant 10 sintimeter en in gewicht fan mar 2 oant 3 gram in dwerch ûnder de fûgels. It mantsje hat lange, smelle, maginta- oant wynreade fearkes op in ljochte kiel, dy't útstutsen wurde kinne by de balts. De rêch is grien en de sturt is relatyf koart. It wyfke hat in griene rêch en in wyteftige ûnderkant mei in ljochte perzikkleurige gloed op 'e flanken.
Fersprieding en systematyk
[bewurkje seksje | boarne bewurkje]De Kalliopekolibry briedt yn 'e berchgebieten fan it westen fan Noard-Amearika, fan Britsk-Kolumbia yn Kanada oant Kalifornje en Utah. It is in trekfûgel dy't yn it suden fan Meksiko oerwinteret. De fûgel briedt fral yn iepen plakken yn 'e dinnebosken en yn wylgestrewellen oan beken op grutte hichten. De soarte is monotypysk. DNA-ûndersyk hat útwiisd dat dizze soarte, nettsjinsteande syn ôfwikende uterlik, nau besibbe is oan 'e oare soarten yn it skaai Selasphorus.
Ekology
[bewurkje seksje | boarne bewurkje]
De Kalliopekolibry is mar in hiel lyts fûgeltsje, mar kin yn it rûge klimaat yn 'e bergen goed oerlibje. Se fuorje harrensels mei nektar fan lege planten en fange in soad lytse ynsekten yn 'e loft. Mantsjes ferdigenje harren territoarium fûl troch heech yn 'e loft te klimmen en dan yn in U-foarmige dûk nei ûnderen te sjitten, wêrby't se in skerp lûd meitsje mei harren sturtfearren.
Status en bedrigingen
[bewurkje seksje | boarne bewurkje]Op 'e Reade list fan 'e IUCN hat de Kalliopekolibry de status net bedrige (Least Concern). Neffens ûndersyk fan Meehan et al. (2018) is der sprake fan in tanimmende trend yn 'e populaasje-oantallen. Mooglike bedrigingen binne habitatferlies yn 'e oerwinteringsgebieten yn Meksiko en de ynfloed fan klimaatferoaring yn 'e briedgebieten.
| Boarnen, noaten en/as referinsjes: | ||
|
